ନୂଆ ଦିଲ୍ଲୀ ୨୨ ଫେବୃଆରୀ(ଓଡ଼ିଆ ପୁଅ) ସୋମବାର ଇରାକର ରାଜଧାନୀ ବାଗଦାଦରେ ଥିବା ଆମେରିକୀୟ ଦୂତାବାସ ଉପରକୁ ଟାରଗେଟ୍ କରି ତିନୋଟି ରକେଟ୍ ମାଡ଼ ହୋଇଥିବା ଖବରରୁ ପ୍ରକାଶ। ଖବର ଅନୁଯାୟୀ ସେଗୁଡ଼ିକ ମଧ୍ୟରୁ ଗୋଟିଏ ଗ୍ରୀନ୍ ଜୋନ୍ରେ ଏବଂ ଅନ୍ୟଟି ଆଖପାଖର ଆବାସିକ ଅଞ୍ଚଳରେ ପଡ଼ିଥିଲା। ଏକ ସପ୍ତାହ ମଧ୍ୟରେ ପାଶ୍ଚାତ୍ୟ କୂଟନୈତିକ, ସାମରିକ ଏବଂ ବାଣିଜ୍ୟିକ ଅନୁଷ୍ଠାନ ଉପରେ ଏହା ହେଉଛି ତୃତୀୟ ଆକ୍ରମଣ।
ଅନ୍ୟପକ୍ଷରେ ଇରାକ ସେନା ଏକ ବିବୃତ୍ତିରେ କହିଛନ୍ତି ଯେ ରକେଟ ଆକ୍ରମଣରେ କେହି ମୃତ୍ୟୁବରଣ କରିନାହାଁନ୍ତି। ଗ୍ରୀନ୍ ଜୋନ୍ରେ ଅନେକ ବିଦେଶୀ ଦୂତାବାସ ଏବଂ ସରକାରୀ ଅଫିସ୍ ଅଛି। ଏହି ଅଞ୍ଚଳ ରକେଟର ଟାର୍ଗେଟରେ ଅବସ୍ଥିତ ଯାହା ଆମେରିକା ଏବଂ ଇରାକ ଅଧିକାରୀଙ୍କ ଅନୁଯାୟୀ ଇରାନ ସମର୍ଥିତ ଆକ୍ରମଣ।
ଇରାକ ସୁରକ୍ଷା ସେବା ଦ୍ୱାରା ଜାରି ଏକ ବିବୃତ୍ତିରେ କୁହାଯାଇଛି ଯେ, ଆମେରିକା ଏବଂ ଅନ୍ୟାନ୍ୟ ବିଦେଶୀ ଦୂତାବାସ ଥିବା ଗ୍ରୀନ୍ ଜୋନ୍ରେ ଅତି କମରେ ଦୁଇଟି ରକେଟ୍ ପଡିଛି। ଜଣେ ସୁରକ୍ଷା ଅଧିକାରୀ କହିଛନ୍ତି ଯେ, ଅନ୍ତତଃ ପକ୍ଷେ ଗୋଟିଏ ରକେଟ୍ ଆମେରିକାର କୂଟନୈତିକ ମିଶନକୁ ଇରାକର ଜାତୀୟ ସୁରକ୍ଷା ସେବାକୁ ଟାର୍ଗେଟ କରିଛି। ନିକଟସ୍ଥ ଆବାସିକ ଅଞ୍ଚଳରେ ଅନ୍ୟ ରକେଟ୍ ଖସିପଡିଛି।
