ନୂଆ ଦିଲ୍ଲୀ ୯-୮ (ଓଡ଼ିଆ ପୁଅ) ଆତ୍ମନିର୍ଭରଶୀଳ ପଦକ୍ଷେପକୁ ଆଗକୁ ବଡ଼ାଇବା ପାଇଁ ପ୍ରସ୍ତୁତ ପ୍ରତିରକ୍ଷା ଉପକରଣ ଆମଦାନୀ ବନ୍ଦ କରିବାକୁ ପ୍ରତିରକ୍ଷା ମନ୍ତ୍ରଣାଳୟ ଘୋଷଣା କରିଛି।
ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଆଜି ଏକ ଗୁରୁତ୍ୱପୂର୍ଣ୍ଣ ଘୋଷଣା କରିଛନ୍ତି। ପ୍ରତିରକ୍ଷା ମନ୍ତ୍ରୀ କହିଛନ୍ତି ଯେ, ପ୍ରତିରକ୍ଷା ମନ୍ତ୍ରଣାଳୟ ବର୍ତ୍ତମାନ ଆତ୍ମନିର୍ଭରଶୀଳ ପଦକ୍ଷେପ ନେବାକୁ ପ୍ରସ୍ତୁତ ହୋଇଛି। ପ୍ରତିରକ୍ଷା ଉତ୍ପାଦନର ସ୍ୱଦେଶୀକରଣକୁ ପ୍ରୋତ୍ସାହିତ କରିବା ପାଇଁ, MoD ୧୦୧ ରୁ ଅଧିକ ଆଇଟମ୍ ଉପରେ ଆମଦାନୀ ପ୍ରତିବନ୍ଧକ ଲାଗୁ କରିବ। ଲଦାଖରେ ଥିବା ଆକ୍ଟୁଆଲ୍ ଲାଇନ୍ ଅଫ୍ କଣ୍ଟ୍ରୋଲ୍ (LAC) ଉପରେ ଚୀନ୍ ସହ ତିକ୍ତତା ମଧ୍ୟରେ ପ୍ରତିରକ୍ଷା ମନ୍ତ୍ରୀଙ୍କ ଏହି ଘୋଷଣା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଉଛି।
ଏହାପୂର୍ବରୁ ମନ୍ତ୍ରଣାଳୟ ଟୁଇଟ୍ କରି କହିଥିଲା ଯେ, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଆଜି ସକାଳ ୧୦ ଟାରେ ଏକ ଗୁରୁତ୍ୱପୂର୍ଣ୍ଣ ଘୋଷଣା କରିବେ।
ଏହି ସମୟରେ ଚୀନ୍ରୁ ଆମଦାନୀ ହେଉଥିବା ଦ୍ରବ୍ୟର ତାଲିକା ସମ୍ପର୍କରେ ପ୍ରତିରକ୍ଷା ମନ୍ତ୍ରୀ ଘୋଷଣା କରିପାରନ୍ତି ବୋଲି କଳ୍ପନାଜଳ୍ପନା କରାଯାଉଥିଲା।
ରାଜନାଥ ସିଂ କହିଛନ୍ତି ଯେ, ୧୦୧ ଟି ଜିନିଷ ଉପରେ ପ୍ରତିବନ୍ଧକ ଲଗାଇବା ନିଷ୍ପତ୍ତି ପ୍ରତିରକ୍ଷା କ୍ଷେତ୍ରରେ ଭାରତର ଆତ୍ମନିର୍ଭରଶୀଳ ପଦକ୍ଷେପକୁ ଏକ ବଡ଼ ଉତ୍ସାହ ଦେବ।
ସିଂ କହିଛନ୍ତି ଯେ ଏହା ଦେଶର ପ୍ରତିରକ୍ଷା ଶିଳ୍ପ ପାଇଁ ନିଜସ୍ୱ ଡିଜାଇନ୍ ବ୍ୟବହାର କରି କିମ୍ବା DRDO ଦ୍ୱାରା ବିକଶିତ ପ୍ରଯୁକ୍ତିବିଦ୍ୟାକୁ ବ୍ୟବହାର କରି ପ୍ରତିବନ୍ଧକ ତାଲିକାରେ ଆଇଟମ୍ ଉତ୍ପାଦନ କରିବାର ଏକ ସୁଯୋଗ ଅଟେ।
