ନୂଆ ଦିଲ୍ଲୀ, ଫେବୃଆରୀ ୫ (ଓଡିଆ ପୁଅ) ପୁଡୁଚେରୀରେ ଜଣେ ୪୩ ବର୍ଷ ବୟସ୍କ ବ୍ୟକ୍ତିଙ୍କୁ ଗିରଫ କରାଯାଇଛି, ଯିଏ ଫେସବୁକରେ ଏକ ପୋଷ୍ଟ ଲେଖିଥିବା ଅଭିଯୋଗ ହୋଇଛି। ଏହି ପୋଷ୍ଟରେ ଯଦି କେହି ତାକୁ ପାଞ୍ଚ କୋଟି ଟଙ୍କା ଦିଅନ୍ତି ତେବେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ହତ୍ୟା କରିବ।
ଶୁକ୍ରବାର ପୋଲିସ ଏହି ସୂଚନା ଦେଇଛି।
ଏହି ବ୍ୟକ୍ତି ଆର୍ଯ୍ୟନପୁପାମ ଗାଁର ବାସିନ୍ଦା। ଗୁରୁବାର ଗିରଫ କରି ସ୍ଥାନୀୟ କୋର୍ଟରେ ହାଜର କରାଯାଇଥିଲା ଏହି ବ୍ୟକ୍ତିକୁ। ଏହାପରେ ତାକୁ ନ୍ୟାୟିକ ହେପାଜତକୁ ପଠାଯାଇଥିଲା।
ଅଭିଯୁକ୍ତ ଜଣେ ରିଅଲ ଇଷ୍ଟେଟ୍ ବ୍ୟବସାୟୀ ସତ୍ୟନନ୍ଦମ୍ ବୋଲି ଜଣାପଡିଛି।
ତା’ ବିରୋଧରେ ଆଇନର ବିଭିନ୍ନ ବିଭାଗ ଅଧୀନରେ ମାମଲା ରୁଜୁ ହୋଇଛି।
ଜାତୀୟ ଗଣମାଧ୍ୟମ ଖବର ଅନୁଯାୟୀ ପୋଲିସ୍ ସୂଚନା ଦେଇଛିଯେ, ଅଭିଯୁକ୍ତ ଏକ ଫେସ୍ବୁକ୍ ପୋଷ୍ଟରେ ଲେଖିଛିଯେ, ଯଦି କେହି ତାକୁ ପାଞ୍ଚ କୋଟି ଟଙ୍କା ଦିଅନ୍ତି ତେବେ ସେ ପ୍ରଧାନମନ୍ତ୍ରୀଙ୍କୁ ହତ୍ୟା କରିବାକୁ ପ୍ରସ୍ତୁତ ଅଛି।
ଗୁରୁବାର ଦିନ ଜଣେ କାର ଡ୍ରାଇଭର ଏହି ପୋଷ୍ଟକୁ ଦେଖି ପୋଲିସକୁ ଜଣାଇଥିଲେ।
