ନୂଆ ଦିଲ୍ଲୀ ୧୯-୩ (ଓଡ଼ିଆ ପୁଅ) ମଧ୍ୟପ୍ରଦେଶରେ ଚାଲିଥିବା ରାଜନୈତିକ ସଙ୍କଟ ଉପରେ ସୁପ୍ରିମକୋର୍ଟ ଗୁରୁବାରଦିନ ଶୁଣାଣି କରିଛନ୍ତି। ସୁପ୍ରିମକୋର୍ଟ ଏ ନେଇ ବଡ଼ ନିଷ୍ପତ୍ତି ନେଇଛନ୍ତି। ନିଷ୍ପତ୍ତି ଅନୁଯାୟୀ ଶୁକ୍ରବାରଦିନ ମଧ୍ୟପ୍ରଦେଶ ବିଧାନସଭାରେ ଫ୍ଲୋର ଟେଷ୍ଟ କରାଯିବ ଏବଂ ଗୃହରେ ଭୋଟ୍ ଜରିଆରେ ଫ୍ଲୋରଟେଷ୍ଟ ହେବ। ଏହି ସମଗ୍ର ପ୍ରକ୍ରିୟାର ଭିଡିଓ ରେକର୍ଡିଂ କରାଯିବ। ଅପରାହ୍ନ ୫ ଟା ପୂର୍ବରୁ ଫ୍ଲୋର ଟେଷ୍ଟ ଶେଷ କରିବାକୁ ପଡିବ।
କଂଗ୍ରେସ ପକ୍ଷରୁ ଓକିଲ କପିଲ ସିବଲ ଏବଂ ଅଭିଷେକ ମନୁ ସିଂଙ୍ଘଭି ଫ୍ଲୋର ଟେଷ୍ଟ କରାନଯାଉ ବୋଲି ଦାବି କରିଥିଲେ।
ମଧ୍ୟପ୍ରଦେଶ ବିଧାନସଭା ବାଚସ୍ପତିଙ୍କ ତରଫରୁ ପକ୍ଷ ରଖିଥିବା ଓକିଲ ଅଭିଷେକ ମନୁ ସିଙ୍ଘଭି କହିଥିଲେ ଯେ ବିଧାୟକଙ୍କ ଇସ୍ତଫା ନେଇ ନିଷ୍ପତ୍ତି ନେବା ବାଚସ୍ପତିଙ୍କ ଅଧିନରେ ଅଛି। ସେ ଯୁକ୍ତି ବାଢ଼ିଥିଲେଯେ, ବିଜେପିର ଯାଚିକା ବାଚସ୍ପତିଙ୍କର ଅଧିକାରରେ ବାଧା ସୃଷ୍ଟି କରିଛି।
ମୁଖ୍ୟମନ୍ତ୍ରୀ କମଲନାଥଙ୍କ ପକ୍ଷରେ ଥିବା ବରିଷ୍ଠ ଓକିଲ କପିଲ ସିବ୍ବଲ କହିଥିଲେ ଯେ କେଉଁ ପ୍ରକାରର ରାଜନୀତି ହେଉଛି ଯେ ସେମାନେ ତାଙ୍କର ବିଧାୟକ (କଂଗ୍ରେସ ବିଧାୟକ)ଙ୍କୁ ଭେଟି ଭେଟି ପାରିବେ ନାହିଁ। ସିବଲ କହିଥିଲେଯେ, ଦିଲ୍ଲୀ ବିମାନବନ୍ଦରରୁ ସେମାନେ ଯାତ୍ରା କଲେ ଏହା କେନ୍ଦ୍ର ସରକାରଙ୍କ ଦ୍ୱାରା ନିୟନ୍ତ୍ରିତ, ଏକ ଉଚ୍ଚ ସୁରକ୍ଷା ସମ୍ପର୍ଣ୍ଣ କ୍ଷେତ୍ର ଏବଂ ସେମାନେ ସେଠାରୁ ଉଡ଼ିଯିବାକୁ ଅନୁମତି ଦିଆଗଲା। କେହି ସେମାନଙ୍କୁ ଭେଟିବାକୁ ସକ୍ଷମ ହୋଇପାରୁନାହାଁନ୍ତି।
କପିଲ ସିବଲ କୋର୍ଟରେ ପ୍ରଶ୍ନ କରିଥିଲେ ଯେ ରାଜ୍ୟପାଳ କ’ଣ ତାଙ୍କ କ୍ଷମତା ବ୍ୟବହାର କରିପାରିବେ ଏଥିପାଇଁ କି ବିରୋଧୀ ଦଳ କହୁଛି ଯେ ସେ ଆମ ସହ ଶାସକ ଦଳର ସଦସ୍ୟ ଅଛନ୍ତି, ତେଣୁ ସରକାର ସଂଖ୍ୟାଗରିଷ୍ଠତା ହରାଇଛନ୍ତି!
ସିବ୍ବଲ ଯୁକ୍ତି ବାଢ଼ିଥିଲେ ଯେ ଯଦି ବିଦ୍ରୋହୀ ବିଧାୟକ କୌଣସି ଚାପରେ ନାହାଁନ୍ତି ଏବଂ ସ୍ୱାଧୀନ, ତେବେ ତାଙ୍କୁ ବିଧାନସଭାକୁ ଆସି ବର୍ତ୍ତମାନର ସରକାର (କମଲ ନାଥଙ୍କ ନେତୃତ୍ୱରେ କଂଗ୍ରେସ) ବିରୋଧରେ ଭୋଟ୍ ଦେବାରେ କଣ ବାଧା ହେଉଛି?
ସିବ୍ବଲ କହିଲେଯେ, ଯଦି ବିଜେପି ଏବଂ ବିଦ୍ରୋହୀ ବିଧାୟକମାନେ ଯାହା ଚାହୁଁଛନ୍ତି, ସେହି ଅନୁସାରେ ଯଦି ସେମାନେ ଆଇନକୁ ବ୍ୟାଖ୍ୟା କରାଯାଏ ତେବେ ଏହା ଅସମ୍ବୈଧାନିକ ହେବ।
ବରିଷ୍ଠ ଓକିଲ କପିଲ ସିବଲ କହିଲେ ଯେ ଏହା ଏକ ଅନନ୍ୟ ମାମଲା ଯେଉଁଠାରେ ପ୍ରଥମ ଥର ପାଇଁ ଜଣେ ରାଜ୍ୟପାଳ ଫ୍ଲୋର ଟେଷ୍ଟ କରିବାକୁ ଚାହୁଁଛନ୍ତି ଏପରିକି କୌଣସି ଦଳ ବହୁମତ ଦାବି କରିନାହାଁନ୍ତି।
