ନୂଆ ଦିଲ୍ଲୀ ୨୧-୨ (ଓଡ଼ିଆ ପୁଅ) ଆନ୍ଧ୍ରପ୍ରଦେଶର ଉପମୁଖ୍ୟମନ୍ତ୍ରୀ ପାମୁଲା ପୁଷ୍ପା ଶ୍ରୀବାଣୀ ଏକ ଘରୋଇ ଡାକ୍ତରଖାନାରେ ଶିଶୁ କନ୍ୟାକୁ ଜନ୍ମ ଦେଇଛନ୍ତି। ଏହା ସହ ଶ୍ରୀବାଣୀ ପ୍ରଥମ ଡେପୁଟି ସିଏମ୍ ହୋଇଛନ୍ତି ଯିଏ ଏହି ପଦବୀରେ ଅବସ୍ଥାପିତ ହେବାବେଳେ ଜଣେ ମା’ ହୋଇଛନ୍ତି। ୩୪ ବର୍ଷୀୟ ଶ୍ରୀବେଣୀଙ୍କୁ ତାଙ୍କ ମନ୍ତ୍ରୀ ସହକର୍ମୀ ତଥା YSR କଂଗ୍ରେସ ପାର୍ଟି (YSRCP) ନେତାମାନେ ଶୁଭେଚ୍ଛା ଜଣେଇଛନ୍ତି। ଦେଶର ସର୍ବ କନିଷ୍ଠ ଡେପୁଟି ସିଏମମାନଙ୍କ ମଧ୍ୟରୁ ଶ୍ରୀବାଣୀ ଅନ୍ୟତମ। ତାଙ୍କ ସ୍ୱାମୀ ଶ୍ରୁଚର୍ଲା ପରିକ୍ଷୀତ ରାଜୁ ଅଟନ୍ତି ଏବଂ ଉଭୟଙ୍କର ପ୍ରଥମ ସନ୍ତାନ ଅଛି।
ରାଜନୀତିରେ ଯୋଗଦେବା ପୂର୍ବରୁ ଶ୍ରୀବାଣୀ ବୃତ୍ତି ଅନୁଯାୟୀ ଶିକ୍ଷକ ଥିଲେ, ସେ ୨୦୧୪ ରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାର କିଛି ଦିନ ପୂର୍ବରୁ ସେ ବିବାହ କରିଥିଲେ ଏବଂ ଯେତେବେଳେ ସେ କୁରୁପାମରୁ ଆନ୍ଧ୍ରପ୍ରଦେଶ ବିଧାନସଭାକୁ ନିର୍ବାଚିତ ହୋଇଥିଲେ ସେତେବେଳେ ମାତ୍ର ୨୬ ବର୍ଷ ହୋଇଥିଲା। ରାଜନୀତିରେ ଯୋଗଦେବା ପୂର୍ବରୁ ଶ୍ରୀବାଣୀ ଏକ ତେଲୁଗୁ ଚଳଚ୍ଚିତ୍ରରେ ପ୍ରାକୃତିକ ଚାଷର ମହତ୍ତ୍ୱକୁ ପ୍ରସାରିତ କରିବା ପାଇଁ କାମ କରିଥିଲେ, ଯାହା ବେଶ୍ ଲୋକପ୍ରିୟ ହୋଇଥିଲା। ସେ ‘ଅମୃତଭୂମି’ ନାମକ ଏକ ଚଳଚ୍ଚିତ୍ରରେ ଶିକ୍ଷକ ଭୂମିକାରେ ଅଭିନୟ କରିଥିଲେ। ପଶ୍ଚିମ ଗୋଦାବରୀ ଜିଲ୍ଲାର ବାଟାୟାଗୁଡେମ ମଣ୍ଡଳର ଡୋରାମମେଡି ଗାଁର ଶ୍ରୀବାଣୀ ରାଜନୀତିରେ ପ୍ରବେଶ କରିବା ପୂର୍ବରୁ ବୃତ୍ତିରେ ଶିକ୍ଷକ ଥିଲେ।
