ମୁମ୍ବାଇ: ଆଜିକାଲି ସୋସିଆଲ ମିଡିଆରେ ଅନେକ ପ୍ରକାରର ମିଥ୍ୟା ଖବର ଆସୁଛି। ଯାହାକୁ ଲୋକମାନେ ଆଖି ବନ୍ଦ କରି ବିଶ୍ୱାସ କରି ନେଉଛନ୍ତି। କରୋନା ମହାମାରୀ ଏବଂ ଲକଡାଉନ୍ ସହ ଜଡ଼ିତ ଅନେକ ପ୍ରକାରର ମିଥ୍ୟା ଖବର ବାହାରିଛି। ଲୋକମାନେ ମଧ୍ୟ ତାକୁ ବିଶ୍ୱାସ କରିନେଇଛନ୍ତି। ଯେତେବେଳେ କି ଅନୁସନ୍ଧାନ ପରେ ସେହି ରିପୋର୍ଟ ଗୁଡ଼ିକ ଫେକ୍ ବୋଲି ଜଣାପଡ଼ିଛି। ବଲିଉଡ୍ ଖିଲାଡ଼ି ଷ୍ଟାର୍ ଅକ୍ଷୟ କୁମାରଙ୍କ ବିଷୟରେ ମଧ୍ୟ ଏହିପରି ଫେକ୍ ଖବର ପ୍ରକାଶିତ ହୋଇଥିବା ଅଭିଯୋଗ ହୋଇଛି। ଖବରରେ ଅକ୍ଷୟ କୁମାର ତାଙ୍କ ଭଉଣୀ ଏବଂ ସେମାନଙ୍କର ଦୁଇ ପିଲାଙ୍କ ପାଇଁ ଏକ ଚାର୍ଟାର୍ଡ ବିମାନ ବୁକ୍ କରିଥିବା ଦାବି କରାଯାଇଥିଲା। ଅକ୍ଷୟ ଏହି ଖବରକୁ ଅସ୍ୱୀକାର କରିଛନ୍ତି ଏବଂ ଯେଉଁମାନେ ମିଥ୍ୟା ଖବର ଚଳାଉଛନ୍ତି ସେମାନଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ମଧ୍ୟ ଧମକ ଦେଇଛନ୍ତି।
ଅକ୍ଷୟ କୁମାର ଟ୍ୱିଟ୍ କରି କହିଛନ୍ତି, ‘ଏହି ଖବର ଆରମ୍ଭରୁ ଶେଷ ପର୍ଯ୍ୟନ୍ତ ମିଥ୍ୟା ଅଟେ। ମୋର ଭଉଣୀ ଏବଂ ତାଙ୍କ ଦୁଇ ପିଲାଙ୍କ ପାଇଁ ମୁଁ ଏକ ଚାର୍ଟାର୍ଡ ବିମାନ ବୁକ୍ କରିଥିଲି ବୋଲି ଦାବି କରାଯାଇଥିଲା। ସେ ଲକଡାଉନରେ କୌଣସି ସ୍ଥାନକୁ ଯାତ୍ରା କରିନାହାଁନ୍ତି ଏବଂ ତାଙ୍କର କେବଳ ଗୋଟିଏ ସନ୍ତାନ ଅଛି। ମୁଁ ଆଇନଗତ କାର୍ଯ୍ୟାନୁଷ୍ଠାନ ବିଷୟରେ ବିଚାର କରୁଛି, ମିଥ୍ୟା ଏବଂ ମନଗଢ଼ା ଖବର କରିବାର ଏକ ସୀମା ରହିଛି। ସମାପ୍ତ ହୋଇଛି, କନକଟେଡ୍ ରିପୋର୍ଟ।
ସୂଚନାଯୋଗ୍ୟ ଯେ ଖବର ପ୍ରକାଶ ପାଇଥିଲା ଯେ, ଚତୁର୍ଥ ପର୍ଯ୍ୟାୟରେ ଲକଡାଉନରେ ବିମାନ ଆରମ୍ଭ ହେବା ପରେ ଅକ୍ଷୟ କୁମାର ତାଙ୍କ ଭଉଣୀ ଅଲକା ଭାଟିଆ ଏବଂ ପିଲାମାନଙ୍କୁ ନିରାପଦରେ ମୁମ୍ବାଇରୁ ଦିଲ୍ଲୀ ପଠାଇବା ପାଇଁ ଏକ ଚାର୍ଟାର୍ଡ ବିମାନ ବୁକ୍ କରିଥିଲେ। କରୋନା ମହାମାରୀ ଠାରୁ ଦୂରେଇ ରଖି ଭଉଣୀ ଅଲକା ଏବଂ ପିଲାମାନଙ୍କୁ ସୁରକ୍ଷିତ ଭାବେ ଦିଲ୍ଲୀ ପଠାଇବା ପାଇଁ ଅକ୍ଷୟ ଏହି ପଦକ୍ଷେପ ନେଇଥିଲେ। ମୁମ୍ବାଇରୁ ଦିଲ୍ଲୀ ଅଭିମୁଖେ ଏକ ବିମାନ ଥିଲା ଯେଉଁଥିରେ ସର୍ବନିମ୍ନ ଲୋକ ଯାତ୍ରା କରିଥିଲେ। ଯେଉଁମାନେ ଏହି ବିମାନରେ ଯାତ୍ରା କରିଥିଲେ ଅକ୍ଷୟଙ୍କ ଭଉଣୀ ଅଲକା ଏବଂ ସେମାନଙ୍କ ପିଲାମାନଙ୍କ ନାମ ଅନ୍ତର୍ଭୁକ୍ତ ଥିଲା। /-ଦେବଦତ୍ତ ରଥ
This news about me booking a charter flight for my sister and her two kids is FAKE from start to end.She has not travelled anywhere since the lockdown and she has only one child!Contemplating legal action,enough of putting up with false, concocted reports! https://t.co/iViBGW5cmE
— Akshay Kumar (@akshaykumar) May 31, 2020
