ନୂଆ ଦିଲ୍ଲୀ ୧୫-୧୦ (ଓଡ଼ିଆ ପୁଅ) ଆୟକର ବିଭାଗ ଦ୍ୱାରା ଦିଲ୍ଲାରେ ଜଣେ ବରିଷ୍ଠ ଓକିଲଙ୍କ ଘରେ ଚଢ଼ାଉ କରାଯାଇଛି। ଉକ୍ତ ଓକିଲ ଜଣକ ବୃତ୍ତିଗତ ଆର୍ବିଟ୍ରେସନ୍ ଏବଂ ବିକଳ୍ପ ବିବାଦର ସମାଧାନ କ୍ଷେତ୍ରରେ ପ୍ରାକ୍ଟିସ୍ କରୁଛନ୍ତି। ବିଭାଗ ସନ୍ଦେହ କରିଛି ଯେ, ବିବାଦର ସମାଧାନ ପାଇଁ ଆଡଭୋକେଟ୍ ଏହାର ଗ୍ରାହକଙ୍କଠାରୁ ବହୁ ପରିମାଣର ନଗଦ ଟଙ୍କା ନେଇଥିଲେ। ସୂଚନାଯୋଗ୍ୟଯେ, ବିଭାଗ ବୁଧବାର ଦିନ ଚଢ଼ାଉ କରିଥିଲା।
ଏହି ଚଢାଉ ଦିଲ୍ଲୀ, ଏନସିଆର ଏବଂ ହରିୟାଣାରେ ୩୮ ଟି ଠିକଣାରେ କରାଯାଇଥିଲା। ଆଡଭୋକେଟଙ୍କ ଠାରୁ ୫.୫ କୋଟି ନଗଦ ଟଙ୍କା ଜବତ ହୋଇଥିବାବେଳେ ୧୦ ଟି ଲକରକୁ ନିୟନ୍ତ୍ରଣରେ ରଖାଯାଇଛି। ଅର୍ଥ ମନ୍ତ୍ରଣାଳୟ ଗୁରୁବାର ଏହି ସୂଚନା ଦେଇଛି।
ଅର୍ଥ ମନ୍ତ୍ରଣାଳୟ ତରଫରୁ ପ୍ରକାଶିତ ଏକ ବିଜ୍ଞପ୍ତିରେ କୁହାଯାଇଛିଯେ, ଗୋଟିଏ ମାମଲାରେ ସେ ନିଜ କ୍ଲାଏଣ୍ଟଙ୍କଠାରୁ ୧୧୭ କୋଟି ଟଙ୍କା ୧୧୭ କୋଟି ନଗଦ ଟଙ୍କା ଥିବାବେଳେ ସେ ମାତ୍ର ୨୧ କୋଟି ଟଙ୍କା ଦେଖାଇଥିଲେ ଯାହା ଚେକ୍ ମାଧ୍ୟମରେ ଗ୍ରହଣ କରାଯାଇଥିଲା। ଅନ୍ୟ ଏକ ମାମଲାରେ ସେ ଶହେ କୋଟିରୁ ଉର୍ଦ୍ଧ୍ୱ ନେଇଥିଲେ ନଗଦ।
ପ୍ରାପ୍ତ ଅନାବଶ୍ୟକ ନଗଦ, ଆବାସିକ ଏବଂ ବାଣିଜ୍ୟିକ ସମ୍ପତ୍ତି କ୍ରୟ ତଥା ବିଦ୍ୟାଳୟ ଚଳାଇବାରେ ନିୟୋଜିତ ଟ୍ରଷ୍ଟ ଗ୍ରହଣ ପାଇଁ ବିନିଯୋଗ କରାଯାଇଛି। ଅଧିକ ଅନୁସନ୍ଧାନ ଚାଲିଛି।
