ଆମେ ଦୁନିଆର ସବୁଠୁ ବଡ ଯୁବ ଶକ୍ତି ଏବଂ ଆମେ ଆମର ଅପାର ସମ୍ଭାବନା ହାସଲ କରିବାକୁ ଚେଷ୍ଟା କରିବା ଆବଶ୍ୟକ: ଶ୍ରୀ ଅନୁରାଗ ଠାକୁର
ଆଜି ଦେଶର ୧୨ ଟି ସ୍ଥାନରେ ମଧ୍ୟ ଯୁବ ଉତ୍ସବ ଆୟୋଜିତ ହୋଇଛି
୩୧ ମାର୍ଚ୍ଚ ୨୦୨୩ ସୁଦ୍ଧା ପ୍ରଥମ ପର୍ଯ୍ୟାୟରେ ଦେଶର ୧୫୦ ଟି ଜିଲ୍ଲାରେ ଯୁବ ଉତ୍ସବ ଅନୁଷ୍ଠିତ ହେବ
ନୂଆ ଦିଲ୍ଲୀ ୦୪.୦୩ (ଓଡ଼ିଆ ପୁଅ) : କେନ୍ଦ୍ର ଯୁବ ବ୍ୟାପାର ଏବଂ କ୍ରୀଡ଼ା ଓ ସୂଚନା ଏବଂ ପ୍ରସାରଣ ମନ୍ତ୍ରୀ ଶ୍ରୀ ଅନୁରାଗ ସିଂ ଠାକୁର ଆଜି ପଞ୍ଜାବର ଆଇଆଇଟି ରୋପାରରୁ ସାରା ଭାରତରେ ଯୁବ ଉତ୍ସବ -ଇଣ୍ଡିଆ @ ୨୦୪୭ ଶୁଭାରମ୍ଭ କରିଛନ୍ତି। ଏହି ଅବସରରେ ଶ୍ରୀ ଅନୁରାଗ ଠାକୁର ମଧ୍ୟ ଯୁବ ଉତ୍ସବର ଡ୍ୟାସବୋର୍ଡ ଶୁଭାରମ୍ଭ କରିଛନ୍ତି।
ଯୁବ ଉତ୍ସବ ଏକାସାଙ୍ଗରେ ପ୍ରତାପଗଡ (ୟୁ.ପି.), ହରିଦ୍ୱାର (ଉତ୍ତରପ୍ରଦେଶ), ଧର ଏବଂ ହୋସଙ୍ଗାବାଦ (ମଧ୍ୟ ପ୍ରଦେଶ), ହନୁମାନଗଡ଼ (ରାଜସ୍ଥାନ), ସରାଇକେଲା (ଝାଡ଼ଖଣ୍ଡ), କପୁରଥାଲା (ପଞ୍ଜାବ), ଜଲଗାଓଁ (ମହାରାଷ୍ଟ୍ର), ବିଜୟୱାଡ଼ା (ଆନ୍ଧ୍ର ପ୍ରଦେଶ), କରିମନଗର (ତେଲେଙ୍ଗାନା), ପାଲଖଡ଼ (କେରଳ), କୁଡାଲୋର (ତାମିଲନାଡୁ) ଠାରେ ଆୟୋଜିତ ହୋଇଥିଲା। ପ୍ରଥମ ପର୍ଯ୍ୟାୟରେ ୩୧ ମାର୍ଚ୍ଚ ୨୦୨୩ ସୁଦ୍ଧା ଯୁବ ଶକ୍ତିର ପାଳନ ପାଇଁ ଦେଶର ୧୫୦ ଟି ଜିଲ୍ଲାରେ ଯୁବ ଉତ୍ସବ ଅନୁଷ୍ଠିତ ହେବ।
ଯୁବକମାନଙ୍କ ଦ୍ୱାରା ଭର୍ତ୍ତି ଏକ ହଲ୍ ସହିତ କଥା ହେବା ଅବସରରେ, ଶ୍ରୀ ଅନୁରାଗ ସିଂ ଠାକୁର ଆମର ସ୍ୱାଧୀନତା ସଂଗ୍ରାମୀଙ୍କ ବଳିଦାନ ବିଷୟରେ କହିଥିଲେ ଏବଂ ଯୁବକମାନଙ୍କୁ ଗର୍ବିତ ଅନୁଭବ କରିବାକୁ ଅନୁରୋଧ କରିଥିଲେ। ଆମେ ଦୁନିଆର ସବୁଠୁ ବଡ ଯୁବା-ଶକ୍ତି ଏବଂ ଆମର ଅପାର ସମ୍ଭାବନା ହାସଲ କରିବାକୁ ଚେଷ୍ଟା କରିବା ଆବଶ୍ୟକ ବୋଲି ସେ କହିଛନ୍ତି। ଆହୁରି ମଧ୍ୟ, ସେ ଛାତ୍ରମାନଙ୍କୁ ଏକ ସାମାଜିକ କାରଣ ବାଛିବା ପାଇଁ ଅନୁରୋଧ କରିଥିଲେ ଯାହା ପ୍ରତ୍ୟେକଙ୍କ ହୃଦୟର ନିକଟତର ଏବଂ ଏହି ସମସ୍ୟାର ସମାଧାନ ଖୋଜିବା ପାଇଁ କାର୍ଯ୍ୟ କରିବ। ସେ ଆହୁରି ମଧ୍ୟ କହିଛନ୍ତି ଯେ, ଯୁବକମାନେ ଆସନ୍ତାକାଲିର ନିର୍ମାଣକାରୀ ଅଟନ୍ତି।
ଶ୍ରୀ ଅନୁରାଗ ସିଂ ଠାକୁର ମଧ୍ୟ ମିଲେଟର ମହତ୍ତ୍ବ ଏବଂ କୃଷକଙ୍କ ଆୟ ବଢ଼ାଇବା ପାଇଁ ସମ୍ଭାବନା ବିଷୟରେ କହିଥିଲେ ଏବଂ ଆମକୁ ଜଳ ସଞ୍ଚୟ ଏବଂ ମୃତ୍ତିକା ସଂରକ୍ଷଣ କରିବାକୁ ମଧ୍ୟ ପରାମର୍ଶ ଦେଇଥିଲେ। ସେ ମଧ୍ୟ ଏହି ଅବସରରେ ଫିଟ୍ ଇଣ୍ଡିଆ ସମ୍ପର୍କରେ କହିଥିଲେ ଯାହାର ସ୍ଲୋଗାନ ହେଉଛି “ଫିଟନେସ୍ କା ଡୋଜ୍, ଆଧା ଘଣ୍ଟା ରୋଜ”।
“ଆଜି ଭାରତ ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ୍ ଇକୋସିଷ୍ଟମ୍ ହୋଇଛି। ଆମର ୧୦୭ ଟି ୟୁନିକର୍ଣ୍ଣ ଅଛି। ଆମ ପାଖରେ ସର୍ବାଧିକ ସଂଖ୍ୟକ ଷ୍ଟାର୍ଟଅପ୍ ଅଛି ଯାହା ଯେ କୌଣସି ଦେଶ ତୁଳନାରେ ସର୍ବାଧିକ ଅଟେ। ଆମର ଅର୍ଥନୀତି ମଧ୍ୟ କ୍ରମାଗତ ଭାବରେ ବିକାଶ ଦିଗରେ ଅଗ୍ରସର ହେଉଛି। ଷ୍ଟାର୍ଟ ଅପ୍ ଇଣ୍ଡିଆ ଏବଂ ଷ୍ଟାଣ୍ଡ ଅପ୍ ଇଣ୍ଡିଆ ଭଳି ମୋଦୀ ଜି ଙ୍କ ଉଦ୍ୟମ ଏବଂ ପଦକ୍ଷେପ ଯୋଗୁଁ ଏସବୁ ସମ୍ଭବ ହୋଇଛି ବୋଲି ସେ କହିଛନ୍ତି।
ଏହି ଅବସରରେ କେନ୍ଦ୍ରରେ ସ୍ଥାପିତ ଷ୍ଟଲଗୁଡ଼ିକୁ କେନ୍ଦ୍ର ମନ୍ତ୍ରୀ ମଧ୍ୟ ପରିଦର୍ଶନ କରିଥିଲେ।
ପୃଷ୍ଠଭୂମି
ପ୍ରଥମ ପର୍ଯ୍ୟାୟରେ ଯୁବ ଉତ୍ସବ କାର୍ଯ୍ୟକ୍ରମ ଜିଲ୍ଲାର ବିଦ୍ୟାଳୟ ଓ ମହାବିଦ୍ୟାଳୟଗୁଡ଼ିକ ଦ୍ୱାରା ଆୟୋଜିତ ହେଉଛି, ଯେଉଁଥିରେ ଏନୱାଇକେଏସ୍ ସହିତ ସହବନ୍ଧିତ ଯୁବ ସ୍ୱେଚ୍ଛାସେବୀ ଏବଂ ଯୁବ କ୍ଲବର ସଦସ୍ୟମାନଙ୍କ ବ୍ୟତୀତ ପଡୋଶୀ ଶିକ୍ଷାନୁଷ୍ଠାନଗୁଡ଼ିକ ମଧ୍ୟ ସାମିଲ୍ ହେଉଛନ୍ତି।
ଯୁବ ବ୍ୟାପାର ଏବଂ କ୍ରୀଡା ମନ୍ତ୍ରଣାଳୟ ଏହାର ପ୍ରମୁଖ ଯୁବ ସଂଗଠନ ନେହେରୁ ଯୁବା କେନ୍ଦ୍ର ସଂଗଠନ (ଏନୱାଇକେଏସ) ମାଧ୍ୟମରେ ଦେଶର ସମସ୍ତ ଜିଲ୍ଲାରେ “ଯୁବ ଉତ୍ସବ- ଇଣ୍ଡିଆ @ ୨୦୪୭” କାର୍ଯ୍ୟକ୍ରମ ଆୟୋଜନ କରୁଛି। ସାରା ଭାରତରେ ମାର୍ଚ୍ଚରୁ ଜୁନ୍ ୨୦୨୩ ପର୍ଯ୍ୟନ୍ତ ହେବାକୁ ଥିବା ଏକ ଦିନିଆ ଜିଲ୍ଲା ସ୍ତରୀୟ ଯୁବା ଉତ୍ସବ ରେ ୩-ଟିୟର ଫର୍ମାଟ୍ ରହିଛି। ଏହି ପ୍ରୋଗ୍ରାମର ପ୍ରଥମ ପର୍ଯ୍ୟାୟ ୧୫୦ ଟି ଜିଲ୍ଲାରେ ଅନୁଷ୍ଠିତ ହେବ ଯାହାକି ଚଳିତ ଆର୍ଥିକ ବର୍ଷର ୪ ମାର୍ଚ୍ଚ ଠାରୁ ୩୧ ମାର୍ଚ୍ଚ ୨୦୨୩ ମଧ୍ୟରେ କରାଯିବ।
ଜିଲ୍ଲା ସ୍ତରର ବିଜେତାମାନେ ରାଜ୍ୟ ସ୍ତରୀୟ ଯୁବା ଉତ୍ସବରେ ଅଂଶଗ୍ରହଣ କରିବେ ଯାହାକି ଅଗଷ୍ଟରୁ ସେପ୍ଟେମ୍ବର ୨୦୨୩ ମଧ୍ୟରେ ରାଜ୍ୟ ରାଜଧାନୀରେ ଅନୁଷ୍ଠିତ ହେବାକୁ ଥିବା ୨ ଦିନିଆ କାର୍ଯ୍ୟକ୍ରମ ହେବ। ସମସ୍ତ ରାଜ୍ୟ ସ୍ତରୀୟ କାର୍ଯ୍ୟକ୍ରମର ବିଜେତାମାନେ ଅକ୍ଟୋବର ୨୦୨୩ ର ୩ୟ / ୪ର୍ଥ ସପ୍ତାହରେ ଦିଲ୍ଲୀରେ ଅନୁଷ୍ଠିତ ହେବାକୁ ଥିବା ଜାତୀୟ ସ୍ତରୀୟ ଯୁବ ଉତ୍ସରେ ଅଂଶଗ୍ରହଣ କରିବେ।
ତିନୋଟି ସ୍ତରରେ ଯୁବ କଳାକାର, ଲେଖକ, ଫଟୋଗ୍ରାଫର, ଓରେଟରମାନେ ପ୍ରତିଦ୍ୱନ୍ଦ୍ୱିତା କରିବେ ଏବଂ ପାରମ୍ପାରିକ କଳାକାରମାନେ ଦେଶର ସମୃଦ୍ଧ ସାଂସ୍କୃତିକ ଐତିହ୍ୟ ପ୍ରଦର୍ଶନ କରିବେ। ଯୁବ ଉତ୍ସବର ବିଷୟବସ୍ତୁ ପଞ୍ଚ ପ୍ରଣ ହେବ।
୧. ବିକଶିତ ଭାରତର ଲକ୍ଷ୍ୟ,
୨. ଦାସତ୍ୱ କିମ୍ବା ଔପନିବେଶିକ ମାନସିକତାର ଚିହ୍ନ ଦୂର କରିବା,
୩. ଆମର ଐତିହ୍ୟ ଏବଂ ସଂସ୍କୃତି ପାଇଁ ଗର୍ବ କରିବା
୪. ଏକତା ଏବଂ ସାର୍ବଭୌମତ୍ବ, ଏବଂ
୫. ନାଗରିକମାନଙ୍କ ମଧ୍ୟରେ କର୍ତ୍ତବ୍ୟର ଭାବନା
ଯୁବ ଅଂଶଗ୍ରହଣକାରୀମାନେ ଅମୃତ କାଳର ଏହି ଅବସରରେ ୫ ଟି ରିଜଲ୍ଭସ (ପଞ୍ଚ ପ୍ରଣ) ଉପରେ ଗୁରୁତ୍ବ ପ୍ରଦାନ କରିବେ। ଭାରତର ସ୍ବାଧୀନତାର ୭୫ ତମ ବାର୍ଷିକୀ ପାଳନ ପାଇଁ ଭାରତ @ ୨୦୪୭ ପର୍ଯ୍ୟନ୍ତ ଏହି ମହାନ ଉତ୍ସବ ପାଇଁ ଯୁବ ଶକ୍ତି ସେ ଜନ ଭାଗିଦାରୀ ଏକ ପ୍ରମୁଖ ଉତ୍ସ ହେବ।
୧୫ ରୁ ୨୯ ବର୍ଷ ବୟସର ଯୁବକମାନେ ଜିଲ୍ଲା, ରାଜ୍ୟ ତଥା ଜାତୀୟ ସ୍ତରରେ କାର୍ଯ୍ୟକ୍ରମ / ପ୍ରତିଯୋଗିତାରେ ଅଂଶଗ୍ରହଣ କରିବାକୁ ଯୋଗ୍ୟ ଅଟନ୍ତି ଏବଂ ପ୍ରତ୍ୟେକ ପର୍ଯ୍ୟାୟରେ ବିଜେତାମାନେ ପରବର୍ତ୍ତୀ ସ୍ତରକୁ ଉତ୍ତିର୍ଣ୍ଣ ହେବେ।
