ଭଦ୍ରକ, ୪ା୧୨ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ୧୬ ନଂ ଜାତୀୟ ରାଜପଥର ନେଉଳିଆ କାହ୍ନୁ ଢାବା ନିକଟରେ ଗତକାଲି ରାତ୍ରରେ ସଡକ ଦୁର୍ଘଟଣାରେ ଜଣେ ଯୁବକ ମୃତ୍ୟୁ ବରଣ କରିଥିବା ଜଣାଯାଇଛି । ଧାମନଗର ଥାନା ଅନ୍ତର୍ଗତ ବେଲମଳା ଗ୍ରାମର ତାପସ ଦେହୁରୀ(୧୮) ଓଡି ୨୨ ଏସ ୮୯୯୯ନଂ ବାଇକ ଯୋଗେ ଛତାବର ଆଡକୁ ଯାଉଥିବା ବେଳେ ଘଟଣାସ୍ଥଳରେ ଥିବା ବାଡବିହୀନ ପୋଲ ତଳକୁ ବାଇକ ସହ ଖସିପଡିଥିଲା । ସକାଳେ ଦମକଳବାହିନୀ ପୋଲତଳ ପାଣିରୁ ବାଇକ ସହ ମୃତଦେହକୁ ଉଦ୍ଧାର କରିଥିଲା । ଆଜି ମୃତକର ପିତା ଏକାଦଶୀ ଥାନାରେ ଅଭିଯୋଗ କରିଥିଲେ । ଏଥିନେଇ ୩୭୩/୨୧ନଂ ମାମଲା ଋଜୁ ହୋଇ ଶବ ବ୍ୟବଚ୍ଛେଦ କରାଯାଇଛି ।
