ଭଦ୍ରକ, ୮ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଓଡିଶା ଡ୍ରାଇଭର ମହାସଂଘର ଭଣ୍ଡାରିପୋଖରୀ ଶାଖା ପକ୍ଷରୁ ସାଙ୍ଗଠନିକ ବୈଠକ ବନ୍ଦାଳୋ-ମଢିଆଳି ପଞ୍ଚାୟତ କାଳୀପଡିଆରେ ଅନୁଷ୍ଠିତ ହୋଇଯାଇଛି । ସଂଘର ର୍ୟାଲି ମଞ୍ଜୁରୀରୋଡ ସାଈମନ୍ଦିର ଠାରୁ ବାହାରି ବୈଠକରେ ପହଞ୍ôଚଥିଲା । ସୁକାନ୍ତ କୁମାର ରାଉତଙ୍କ ସଭାପତିତ୍ୱରେ ଅନୁଷ୍ଠିତ ସାଙ୍ଗଠନିକ ସଭାରେ ଜିଲ୍ଲା ସଭାପତି ଦିଲ୍ଲିପ ସାହୁ ମୁଖ୍ୟ ଅତିଥି, ଭଣ୍ଡାରିପୋଖରୀ ବ୍ଲକ ଉପସଭାପତି ଅଭିମନ୍ୟୁ ସାହୁ, ପିଣ୍ଟୁ ବାବୁ ଓ ଶତ୍ରୁଘ୍ନ ବାବୁ ସମ୍ମାନିତ ଅତିଥି ଭାବେ ଯୋଗଦେଇ ଗାଡିଚାଳକମାନଙ୍କ ବିଭିନ୍ନ ସମସ୍ୟା, କର୍ମନିୟୋଜନ ସୁରକ୍ଷା ଓ ନିରାପତ୍ତା, ବୀମା ସୁବିଧା, ଭବିଷ୍ୟତ ଓ ମଜୁରୀ ଆଦି ସମ୍ପର୍କରେ ମତ ରଖିଥିଲେ । ବନ୍ଦାଳୋ-ମଢିଆଳି ପଞ୍ଚାୟତ ସଭାପତି ଭାବେ ସୁକାନ୍ତ କୁମାର ରାଉତ ଓ ସମ୍ପାଦକ ଭାବେ ସୁମିତ୍ର କୁମାର ରାଉତଙ୍କୁ ଚୟନ କରାଯାଇଥିଲା । ସୁମିତ୍ର ରାଉତ ଧନ୍ୟବାଦ ଦେଇଥିଲେ ।
