ଭଦ୍ରକ, ୩୦ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକ ସହରର ଚରମ୍ପାସ୍ଥିତ ୧୧୯ ନଂ ରେଲ୍ୱେ ଗେଟ୍ ନୂଆ ମାଲଗୋଦାମ ନିକଟରେ ଥିବା ଏକ ଗଛରୁ ଝୁଲନ୍ତା ଅବସ୍ଥାରେ ଜଣେ ବ୍ୟକ୍ତିର ମୃତଦେହ ଉଦ୍ଧାର ହୋଇଛି। ଆଜି ସକାଳୁ ସ୍ଥାନୀୟ ଲୋକେ ଉକ୍ତ ଦୃଶ୍ୟ ଦେଖିବା ପରେ ଖବର ଚାରିଆଡେ ପ୍ରଚାର ହୋଇଯାଇଥିଲା। ଫଳରେ ରେଳବାଇ ପୁଲିସ୍ ଘଟଣାସ୍ଥଳରେ ପହଞ୍ôଚବା ପରେ ମୃତ ବ୍ୟକ୍ତି ଜଣକ ଚରମ୍ପା ପାଟଣାସାହି ତେଲେଙ୍ଗା ଗଳି ଅଂଚଳର ଅଶୋକ କୁମାର ବେହେରା ବୋଲି ଜଣାପଡିଥିଲା। ପରେ ଏହି ଘଟଣାରେ ଏକ ଅପମୃତ୍ୟୁ ମାମଲା ରୁଜୁ ସହ ଶବକୁ ଜବତ କରି ରେଳବାଇ ପୁଲିସ୍ ଭଦ୍ରକ ମୁଖ୍ୟ ଚିକିତ୍ସାଳୟକୁ ପଠାଇଥିଲା। ତେବେ ମୃତ୍ୟୁର କାରଣ ଏବେ ଅସ୍ପଷ୍ଟ ରହିଛି।
