ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୦୪/୦୮- ନୟାଗଡ ଜିଲ୍ଲା ଚାନ୍ଦପୁର ଥାନା ୧୬ନଂ ଜାତୀୟ ରାଜପଥ ଦେଇ ଅନେକ ଚୋରା ବେଆଇନ୍ ବିଦେଶୀ ମଦ ଚାଲାଣ ହେଉଥିବା ଅଭିଯୋଗ ହୋଇଆସୁଥିଲା । ଯାହାକୁ ନେଇ ନୟାଗଡ ଜିଲ୍ଲା ଆରକ୍ଷୀ ଅଧିକ୍ଷକ ସିଦ୍ଧାର୍ଥ କଟାରିଆ ଏହି ବେଆଇନ୍ ମଦ ଚାଲାଣ ରୋକିବାକୁ ଚାନ୍ଦପୁର ଥାନା କୁ ନିର୍ଦ୍ଦେଶ ଦେଇଥିଲେ । ଯାହାଫଳରେ ଚାନ୍ଦପୁର ଥାନା ନିରୀକ୍ଷକ ରଶ୍ମୀ ରଞ୍ଜନ ଦାଶ ରାତ୍ରୀ କାଳିନ ତନଖି କୁ କଡାକଡି କରିଥିଲେ । ଗତ ଅଗଷ୍ଟ ୩ ତାରିଖ ବିଳମ୍ବିତ ରାତ୍ରି ରେ ୧୬ନଂ ଜାତୀୟ ରାଜପଥ ଚମ୍ପାଗଡ ଛକ ରେ ତନଖି କରୁଥିବା ସମୟରେ ୨ ଗୋଟି ମାରୁତି ଭ୍ୟାନ୍ ତାରାଦେଇ ଛକରୁ ଭୁଷଣ୍ଡପୁର ଆଡକୁ ପୋଲିସ ଗାଡି ଦେଖି ଦୃତଗତି ରେ ପଳାଇ ଯାଉଥିବା ଥାନା ନିରୀକ୍ଷକ ଜାଣିବାକୁ ପାଇଥିଲେ ।
ଯାହାଫଳ ରେ ସେହି ୨ ଗୋଟି ମାରୁତି ଭ୍ୟାନ୍ କୁ ପୋଲିସ ଗୋଡାଇ ଥିଲା । ଗୋଡିଆ ଗୋଡି କିଛି ସମୟ ଛକ୍କା ପଞ୍ଚା ଚାଲିବା ପରେ ରାସ୍ତା ଉପରେ ମାରୁତି ଭ୍ୟାନ୍ ୨ ଟିକୁ ଛାଡି ଡ୍ରାଇଭର ପଳାଇ ଯାଇଥିଲା । ପୋଲିସ ବିଦେଶୀ ମଦ ଓ ମାରୁତି ଭ୍ୟାନ୍ ଓ ଡି ୦୨ ୱାଇ ୯୯୪୩ ଓ ଓ ଡି ୦୨ ସି ୧୧୭୯ କୁ ଜବତ କରିଥିବା ଜଣାପଡିଛି । ଏ ବିଷୟ ରେ ଚାନ୍ଦପୁର ଥାନା ରେ ଏକ ମାମଲା ରୁଜୁ ହୋଇଥିବା ଜଣାପଡିଛି । ଚାନ୍ଦପୁର ଥାନା ନିରୀକ୍ଷକ ଙ୍କ ସୂଚନା ଅନୁଯାଇ ଜବତ ହୋଇଥିବା ୧୧୫୨ ବୋତଲ ୩୯୨ ଲିଟର ବିଦେଶୀ ମଦର ଦାମ୍ ୩ ଲକ୍ଷ ୫୩ ହଜାର ଟଙ୍କା ବୋଲି ଜଣାପଡିଛି । ନୟାଗଡ ଜିଲ୍ଲା ରେ ଏହା ବଡଧରଣ ର ମଦ ଜବତ ବୋଲି ନିରୀକ୍ଷକ ସୂଚନା ଦେଇଛନ୍ତି ।
