ନୂଆଦିଲ୍ଲୀ ୦୩ ଅଗଷ୍ଟ (ଓଡିଆ ପୁଆ) ଆଜି ଟୋକିଓ ଅଲିମ୍ପିକ୍ସର ଦ୍ୱାଦଶ ଦିନ। ଭାରତୀୟ ପୁରୁଷ ହକି ଦଳ ସେମିଫାଇନାଲରେ ବିଶ୍ୱ ଚାମ୍ପିୟନ ବେଲଜିୟମ ବିପକ୍ଷରେ ମ୍ୟାଚ୍ ଖେଳିଥିଲା। ଟିମ୍ ଇଣ୍ଡିଆ ଏହି ମ୍ୟାଚ୍ ୫-୨ରେ ପରାସ୍ତ ହୋଇଛି। ଏବେ ବ୍ରୋଞ୍ଜ ପଦକ ପାଇଁ ପଡ଼ିଆକୁ ଓହ୍ଲାଇବ। ଯଦି ଭାରତ ଏହି ମ୍ୟାଚ୍ ଜିତିଥାନ୍ତା ତେବେ ରୌପ୍ୟ ପଦକ ନିଶ୍ଚିତ କରିଥାନ୍ତା। ୧୯୮୦ ଅଲିମ୍ପିକ୍ସରେ ଟିମ୍ ଇଣ୍ଡିଆ ଶେଷ ଥର ପାଇଁ ପଦକ ଜିତିଥିଲା।
ଚତୁର୍ଥ କ୍ୱାର୍ଟରରେ ବେଲଜିୟମ ଭଲ ଆରମ୍ଭ କରିଥିଲା। ସେ ୪୯ ତମ ମିନିଟରେ ଗୋଲ ଦେଇଥିଲେ। ପେନାଲ୍ଟି କର୍ଣ୍ଣର ମାଧ୍ୟମରେ ଆଲେକ୍ସଜାଣ୍ଡାର୍ ହେଣ୍ଡ୍ରିକ୍ସ ଏହି ଗୋଲ୍ ସ୍କୋର କରିଥିଲେ। ବେଲଜିୟମକୁ ତିନୋଟି ପେନାଲ୍ଟି କର୍ଣ୍ଣର ବ୍ୟାକ୍-ଟୁ-ବ୍ୟାକ୍ ପାଇଲା। ବେଲଜିୟମ ୩-୨ ଅଗ୍ରଣୀ ହାସଲ କରିଥିଲା।
ଦ୍ୱିତୀୟ କ୍ୱାର୍ଟର ଭାରତ ଏବଂ ବେଲଜିୟମ ମଧ୍ୟରେ ଚାଲିଥିବା ସେମିଫାଇନାଲ ମ୍ୟାଚରେ ଶେଷ ହେବା ପରେ ସ୍କୋର ୨-୧ରେ ଥିଲା। ଦ୍ୱିତୀୟ କ୍ୱାର୍ଟର ଶେଷ ହେବା ପୂର୍ବରୁ ଭାରତୀୟ ଦଳ ଏକ ପେନାଲ୍ଟି କର୍ଣ୍ଣର ପାଇଥିଲା।
ପ୍ରଥମ କ୍ୱାର୍ଟର ପରେ ଭାରତ ୨-୧ରେ ଆଗୁଆ ରହିଥିଲା।
ପ୍ରଥମ କ୍ୱାର୍ଟର ଶେଷ ହେବା ପରେ ଟିମ୍ ଇଣ୍ଡିଆ ୨-୧ରେ ଆଗରେ ରହିଥିଲା। ଏହି ୧୫ ମିନିଟର ଖେଳରେ ଭାରତ ଏବଂ ବେଲଜିୟମର ଦଳ ଆକ୍ରମଣାତ୍ମକ ହକି ଖେଳିଥିଲେ।
ଭାରତ ପାଇଁ ହରମାନପ୍ରୀତ ସିଂ ଏବଂ ମନଦୀପ ସିଂ ଏହି ଗୋଲ ସ୍କୋର କରିଥିଲେ। ପ୍ରଥମ ଗୋଲ୍ (ହରମାନପ୍ରୀତ) ସପ୍ତମ ଏବଂ ଦ୍ୱିତୀୟ ଗୋଲ୍ (ମନଦୀପ) ଅଷ୍ଟମ ମିନିଟରେ ଆସିଥିଲେ।
ଆଜିର ପ୍ରତ୍ୟେକ ମୁହୂର୍ତ୍ତ ଭାରତ ପାଇଁ ଐତିହାସିକ ଥିଲା। ହକି ଏକାଦଶ ଖେଳାଳି ଦେଶ ପାଇଁ ପଡ଼ିଆରେ ଏଣ୍ଟ୍ରି କରିଥିଲେ, ସମଗ୍ର ଦେଶ ସେମାନଙ୍କ ଉପରେ ନଜର ରଖିଥିଲା। ୪୧ ବର୍ଷ ପରେ ଭାରତୀୟ ହକି ଦଳ ଅଲିମ୍ପିକ୍ସରେ ସେମିଫାଇନାଲ ଖେଳିବାର ସୌଭାଗ୍ୟଲାଭ କରିଥିଲା। ସାମ୍ନାରେ ବିଶ୍ୱର ଏକ ନମ୍ବର ଦଳ ହେଉଛି ବେଲଜିୟମ ଖେଳୁଥିଲା।
ବିଶ୍ୱର ଏକ ନମ୍ବର ଦଳ ବେଲଜିୟମ ହେଉଛି ୟୁରୋପୀୟ ଚାମ୍ପିଅନ୍ ତଥା ବିଶ୍ୱ ଚାମ୍ପିଅନ୍। କିନ୍ତୁ ଭାରତୀୟ ଦଳ ଏବେ ନୀଳ ଆକାଶରେ ଗଗନଶ୍ଚୁମ୍ବି ଆଶାକୁ ନେଇ ପଡ଼ିଆକୁ ଓହ୍ଲାଇଥିଲା ଏବଂ ଭଲ ପ୍ରଦର୍ଶନ କରିଥିଲା। ଦ୍ଲିତୀୟ ହାପ୍ରେ ବେଲଜିୟମ ଭାରତକୁ ମାତ୍ ଦେଇଥିଲା।
ଅଲିମ୍ପିକ୍ସରେ ଭାରତର ଗୌରବମୟ ଇତିହାସ ରହିଛି। ଭାରତୀୟ ହକି ଦଳ ଅଲିମ୍ପିକ୍ସରେ ୮ ଟି ସ୍ୱର୍ଣ୍ଣ ସମେତ ୧୧ ଟି ପଦକ ଜିତିଛି।
