ଭଦ୍ରକ, ୧ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଧାମନଗର ଅଞ୍ଚଳରେ ଦିନକୁ ଦିନ ଚୋରା ମଦବେପୋର ବଢି ଚାଲିଥିବାବେଳେ ଗାଁ ଗହଳିରେ ମଧ୍ୟ ଏହି ମଦବେପାର ଅଧିକ ଚୋରାରେ ବିକ୍ରି ହେଉଛି । କେତେକ ସରକାରୀ ମଦଦୋକାନରୁ ମଦକିଣି ଗାଁ ଗହଳିରେ ଚୋରାରେ ଚଢା ଦରରେ ବିକ୍ରି କରୁଥିବା ଧାମନଗର ପୋଲିସ ପାଖରେ ଖବର ପହଂଚିଥିଲା । ତେବେ ଗତକାଲି ରାତିରେ ସାଧା ପୋଷାକରେ ଧାମନଗର ଥାନା ଅଧିକାରୀ ପ୍ରଦୀପ ମହନ୍ତଙ୍କ ନିର୍ଦ୍ଦେସ କ୍ରମେ ଏକ ଟିମ୍ ଦୋବଲ ଅଂଚଳରେ ପହଂଚି ବିପୁଳ ମଦ ଜବତ କରିବା ସହିତ ୨ଚୋରା ମଦବେପାରିକୁ ଗିରଫ କରିଛନ୍ତି । ସୋହଡ଼ା ପଂଚାୟତର ମିଶ୍ରପୁର ଗ୍ରାମର ପୁର୍ଣ୍ଣଚନ୍ଦ୍ର ସାହୁ ଓ ମୁସ୍ତଫାପୁର ପଂଚାୟତର ବେଲମଳା ଗ୍ରାମର ସୁଶାନ୍ତ ସାହୁ ଏହି ଚୋରା ବିଦେଶି ମଦ ବିକ୍ରୟ କରୁଥିବା ଖବର ପାଇ ପୋଲିସ ଚଢାଉକରି ଉଭୟଙ୍କ ନିକଟରୁ ୪୦ଲିଟର ବିଦେଶି ମଦ ଜବତ କରିବା ସହିତ ଉଭୟଙ୍କୁ ଗିରଫ କରି କୋର୍ଟ ଚାଲାଣ କରିଛି ।
