ନୂଆ ଦିଲ୍ଲୀ/ଗୌହାଟୀ ୨୯-୪ (ଓଡ଼ିଆ ପୁଅ) ଏକଜିଟ୍ ପୋଲ୍ ୨୦୨୧ : ଆସାମରେ ମାର୍ଚ୍ଚ ୨୭, ଏପ୍ରିଲ ୧ ଏବଂ ଏପ୍ରିଲ ୬ ରେ ତିନୋଟି ପର୍ଯ୍ୟାୟରେ ଭୋଟ୍ ଗ୍ରହଣ କରାଯାଇଥିଲା।
ଆସାମରେ ବିଜେପି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ (ଏନଡିଏ) ପୁନଃ କ୍ଷମତା ବଜାୟ ରଖିବାର ସମ୍ଭାବନା ରହିଛି ବୋଲି ଏକଜିଟ୍ ପୋଲ ଗୁଡ଼ିକର ଆକଳନରୁ ଜଣାପଡ଼ିଛି।
ଏନଡିଟିଭିର ପୋଲ ଅଫ ପୋଲ୍ସ ସର୍ଭେରେ ପୂର୍ବାନୁମାନ କରାଯାଇଛିଯେ,
ବିଜେପି ୧୨୬ ଟି ଆସନରୁ ୭୨ ଟି ଜିତିବ ବୋଲି ଆଶା କରାଯାଉଛି। କଂଗ୍ରେସ ୫୩ ଟି ଆସନ ଜିତିବାର ସମ୍ଭାବନା ରହିଛି ବୋଲି ଏକଜିଟ୍ ପୋଲ୍ ସର୍ଭେରେ କୁହାଯାଇଛି।
ଇଣ୍ଡିଆ ଟୁଡେ-ଆକ୍ସି ମାଇ ଇଣ୍ଡିଆ ଏକଜିଟ୍ ପୋଲରେ ଏନଡିଏ କୁ ୭୫-୮୫ ଟି ଆସନରେ ଜିତିବାର ପୂର୍ବାନୁମାନ କରାଯାଇଛି। ଏଥିରେ କୁହାଯାଇଛି ଯେ କଂଗ୍ରେସର ମହାଗଠବନ୍ଧନ ୪୦-୫୦ ଟି ଆସନରେ ଜିତିବାର ସମ୍ଭାବନା ରହିଛି।
ମନୋରାମା ନ୍ୟୁଜ୍-ଭିଏମ୍ଆର୍ ଏକଜିଟ୍ ପୋଲ୍ ମଧ୍ୟ ଶାସକ ତଥା ବିରୋଧୀ ଦଳ ପାଇଁ ସମାନ ସଂଖ୍ୟକ ସିଟ୍ ପୂର୍ବାନୁମାନ କରିଛି।
P-MARQ ଏକଜିଟ୍ ପୋଲ୍ କହିଛି ଯେ ଗ୍ରାଣ୍ଡ ଆଲାଇନ୍ସ (କଂଗ୍ରେସ ଗଠବନ୍ଧନ) ୫୬-୬୪ ସିଟ୍ ଜିତିପାରେ। ଏଥିରେ କୁହାଯାଇଛି ଯେ ବିଜେପି ୬୨-୭୦ ଟି ଆସନ ପାଇବାର ସମ୍ଭାବନା ରହିଛି।
ରିପବ୍ଲିକ୍ ଟିଭି-ସିଏନ୍ଏକ୍ସ ଏକଜିଟ୍ ପୋଲ୍ ମଧ୍ୟ ବିଜେପି ପାଇଁ ଏକ ସହଜ ବିଜୟ ପୂର୍ବାନୁମାନ କରିଛି। ସର୍ଭେ ଅନୁଯାୟୀ ବିଜେପି ଏବଂ ଏହାର ସହଯୋଗୀମାନେ ୭୪-୮୪ ଟି ଆସନ ଜିତିଥିବାବେଳେ କଂଗ୍ରେସ ନେତୃତ୍ୱାଧୀନ ମିଳିତ ମଞ୍ଚ ୪୦-୫୦ ଟି ଆସନ ଜିତିବ।
ଆସାମରେ ସଂଖ୍ୟାଗରିଷ୍ଠତା ପାଇଁ ଆବଶ୍ୟକ ୬୪।
ଏବିପି ନ୍ୟୁଜ୍-ସି ଭୋଟର ପୋଲ୍ ଏକ ନେକ୍ ଟୁ ନେକ୍ ପ୍ରତିଦ୍ୱନ୍ଦିତା ପୂର୍ବାନୁମାନ କରିଛି। ଏଥିରେ କୁହାଯାଇଛି ଯେ, ଏନଡିଏର ବିଜୟ ୫୮-୭୧ ଆସନରେ ହୋଇପାରେ ଅପରପକ୍ଷେ କଂଗ୍ରେସ ନେତୃତ୍ୱାଧୀନ ମିଳିତ ମଞ୍ଚ ୫୩ ରୁ ୬୬ ଟି ଆସନରେ ଜିତିବାର ସମ୍ଭାବନା ରହିଛି।
ନ୍ୟୁଜ୍ ୨୪-ଟୁଡେ ଚାଣକ୍ୟ ଏକଜିଟ୍ ପୋଲରେ କୁହାଯାଇଛି ଯେ ବିଜେପି ନେତୃତ୍ୱାଧୀନ ମିଳିତ ମଞ୍ଚ ୭୦(+-୯) ଟି ଆସନ ଜିତିବାର ସମ୍ଭାବନା ରହିଛି। ଗ୍ରାଣ୍ଡ-ଆଲାଇନ୍ସ ୫୬ (+-୯) ଟି ସିଟ୍ ଜିତିପାରେ ବୋଲି ଏଥିରେ କୁହାଯାଇଛି।
ମାର୍ଚ୍ଚ ୨୭, ଏପ୍ରିଲ ୧ ଏବଂ ଏପ୍ରିଲ ୬ ରେ ଆସାମରେ ତିନୋଟି ପର୍ଯ୍ୟାୟରେ ଭୋଟ୍ ଗ୍ରହଣ ହୋଇଥିଲା। ନିର୍ବାଚନ ଆୟୋଗଙ୍କ ଅନୁଯାୟୀ ମତଦାନ ଯଥାକ୍ରମେ ୭୯.୯୩%, ୮୦.୯୬% ଏବଂ ୮୨.୩୩% ହୋଇଥିଲା।
୨୦୧୬ ବିଧାନସଭା ନିର୍ବାଚନରେ ବିଜେପି ନେତୃତ୍ୱାଧୀନ ନ୍ୟାସନାଲ ଡେମୋକ୍ରାଟିକ୍ ଆଲାଇନ୍ସ ୮୬ ଟି ସିଟ୍ ଜିତିଥିଲା।
୨୬ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବା ଆସାମ ଗଣ ପରିଷଦ ସହିତ ଶାସକ ଦଳ ୯୨ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଛନ୍ତି।
ବିରୋଧୀ ମହାଗଠବନ୍ଧନରେ କଂଗ୍ରେସ ୯୪ ଟି ଆସନରେ ପ୍ରତିଦ୍ୱନ୍ଦ୍ୱିତା କରିଥିବାବେଳେ ବଦରୁଦ୍ଦିନ ଅଜମଲଙ୍କ AIUDF ୧୪ ଟି ପ୍ରତିଦ୍ୱନ୍ଦ୍ୱିତା କରିଛି।
ଆସନ୍ତା ୨ ରେ ଆସାମରେ ନିର୍ବାଚନ ଫଳାଫଳ ଘୋଷଣା କରାଯିବ।
