ଭଦ୍ରକ, ୧୮ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଭଦ୍ରକରୁ ନୂଆ କରୋନା ଆକ୍ରାନ୍ତ ୪୧ଜଣ ଚିହ୍ନଟ ହୋଇଛନ୍ତି। ଯାହା ଫଳରେ ଜିଲ୍ଲାର ମୋଟ ଆକ୍ରାନ୍ତଙ୍କ ସଂଖ୍ୟା ହୋଇଛି ୬୨୭୦। ଆଜି ସୁଦ୍ଧା ମୋଟ ୧ଲକ୍ଷ ୬ହଜାର ୯୧୭ଜଣଙ୍କ ନମୁନା ପରୀକ୍ଷା ପରେ ଏହି ସଂଖ୍ୟକ ଆକ୍ରାନ୍ତ ଚିହ୍ନଟ ହୋଇଛନ୍ତି। ତେବେ ଜିଲ୍ଲାରୁ ୫୭୪୯ଜଣ ଆକ୍ରାନ୍ତ ମଧ୍ୟ ସୁସ୍ଥ ହୋଇଛନ୍ତି। ଏବେ କେବଳ ୫୦୫ଜଣ ଆକ୍ରାନ୍ତ ସକ୍ରିୟ ଭାବେ ଚିକିତ୍ସିତ ହେଉଛନ୍ତି। ଆଜି ଚିହ୍ନଟ ୪୧ଜଣଙ୍କ ମଧ୍ୟରେ ବାସୁଦେବପୁର ବ୍ଲକରୁ ୧୦ଜଣ, ବାସୁଦେବପୁର ପୌରପାଳିକାରୁ ୬ଜଣ, ଭଦ୍ରକ ବ୍ଲକରୁ ଜଣେ, ଭଦ୍ରକ ପୌରପାଳିକାରୁ ୫ଜଣ, ବନ୍ତ ବ୍ଲକରୁ ୫ଜଣ, ଭଣ୍ଡାରିପୋଖରୀ ବ୍ଳକରୁ ୪ଜଣ, ଧାମନଗର ବ୍ଲକରୁ ଜଣେ, ତିହିଡି ବ୍ଲକରୁ ୯ଜଣ ଆକ୍ରାନ୍ତ ରହିଛନ୍ତି।
