ବାସ୍ତୁଶାସ୍ତ୍ର ଅନୁଯାୟୀ ଯଦି ଆଇନାକୁ (ଦର୍ପଣ) ସଠିକ୍ ଦିଗରେ ଲଗାଯାଏ ନାହିଁ, ତେବେ ଏହା ବ୍ୟକ୍ତି ଜୀବନ ଉପରେ ନକାରାତ୍ମକ ପ୍ରଭାବ ପକାଇପାରେ। ବାସ୍ତୁଶାସ୍ତ୍ର ଅନୁଯାୟୀ, ବ୍ରହ୍ମାଣ୍ଡର ସକରାତ୍ମକ ଶକ୍ତି ସର୍ବଦା ପୂର୍ବରୁ ପଶ୍ଚିମ ଦିଗକୁ ଏବଂ ଉତ୍ତରରୁ ଦକ୍ଷିଣକୁ ଗତି କରିଥାଏ।
ଦର୍ପଣକୁ ପୂର୍ବ କିମ୍ବା ଉତ୍ତର କାନ୍ଥରେ ଲଗାଇବା ଉଚିତ୍। ଯେପରି ଦେଖୁଥିବା ବ୍ୟକ୍ତିର ଚେହେରା ପୂର୍ବ କିମ୍ବା ଉତ୍ତର ଦିଗ ଆଡ଼କୁ ରହେ। ଦକ୍ଷିଣ କିମ୍ବା ପଶ୍ଚିମ କାନ୍ଥରେ ଲାଗିଥିବା ଦର୍ପଣ ବିପରୀତ ଦିଗରୁ ଆସୁଥିବା ଶକ୍ତିକୁ ପ୍ରତିଫଳିତ କରିଥାଏ। ଆସନ୍ତୁ; ଜାଣିବା ଘରେ ଦର୍ପଣ ଲଗାଇବାର ବାସ୍ତୁ ସଂଯୋଗ –
– ଘରେ ଏକ ଦର୍ପଣ ଲଗାଇବା ପାଇଁ ସର୍ବୋତ୍ତମ ଦିଗ ଉତ୍ତର, ପୂର୍ବ କିମ୍ବା ଉତ୍ତର- ପୂର୍ବ ଦିଗ ବୋଲି ବିବେଚନା କରାଯାଏ। ଏହି ଦିଗରେ ଦର୍ପଣ ଲଗାଇବା ଦ୍ୱାରା ଘରେ ସୁଖ ଏବଂ ସମୃଦ୍ଧତା ଆସିଥାଏ |
– ଘରର ଟ୍ରେଜେରୀ କିମ୍ବା ଆଲମାରୀ ସାମ୍ନାରେ ଲାଗିଥିବା ଦର୍ପଣ ଘରର ଧନ ବୃଦ୍ଧି କରାଇଥାଏ।
– ଘରେ ଲାଗିଥିବା ଦର୍ପଣ କୌଣସି ସ୍ଥାନରୁ ଭାଙ୍ଗିଥିବା ଉଚିତ୍ ନୁହେଁ। ଆହୁରି ମଧ୍ୟ, ଦର୍ପଣ ସଦାସର୍ବଦା ସଫା ସୁତରା ରହିବା ନିହାତି ଜରୁରୀ।
– ବେଡରୁମ୍ (ଶୋଇବା ଘରେ) କୌଣସି ଦର୍ପଣ ଲଗାଇବା ସମୟରେ ବିଶେଷ ଯତ୍ନ ଦେବା ଉଚିତ୍। ଦର୍ପଣକୁ କୋଠରୀରେ ଏପରି ସ୍ଥାନରେ ଲଗାଇବା ଉଚିତ୍, ଯେପରି ଶୋଇବା ସମୟରେ ଶରୀରର କୌଣସି ଅଂଶ ଦର୍ପଣରେ ଦୃଶ୍ୟମାନ ନହୁଏ। କାରଣ ଏହା ସ୍ୱାସ୍ଥ୍ୟଗତ ସମସ୍ୟା ସୃଷ୍ଟି କରିପାରେ।
– ଯଦି କୋଠରୀଟି ଛୋଟ ହୋଇଥିବା କାରଣରୁ ଦର୍ପଣକୁ ଆପଣଙ୍କ ଶଯ୍ୟା ସାମ୍ନାରେ ରଖିବାକୁ ପଡ଼େ, ତେବେ ରାତିରେ ଶୋଇବା ସମୟରେ ସେହି ଦର୍ପଣକୁ ଏକ କପଡ଼ାରେ ଘୋଡ଼ାଇ ରଖନ୍ତୁ। ଏହାଦ୍ୱାରା ନକାରାତ୍ମକ ପ୍ରଭାବ ପଡ଼େ ନାହିଁ।
– ଘରେ ଦକ୍ଷିଣ କିମ୍ୱା ପଶ୍ଚିମ ଦିଗରେ ଆଦୌ ଦର୍ପଣ ଲଗାନ୍ତୁ ନାହିଁ। ଏହା ଘରେ ଅସନ୍ତୋଷ, କଳହ ଆଦି ସମସ୍ୟା ବଢ଼ାଇଥାଏ।
– କୋଠରୀର କାନ୍ଥରେ ଦର୍ପଣକୁ ମୁହାଁମୁହିଁ (ସାମ୍ନାସାମ୍ନୀ) ଲଗାଇବା ଅନୁଚିତ୍। ଏହା ଫଳରେ ଘରେ ଉତ୍ତେଜନା ସୃଷ୍ଟି ହୋଇପାରେ।
– ଦେବଦତ୍ତ ରଥ
