ଭଦ୍ରକ, ୧୧ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଜିଲ୍ଲାରେ ଆଜି ପୁଣି ୨ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଜିଲ୍ଳାର ଆକ୍ରାନ୍ତଙ୍କ ସଂଖ୍ୟା ୨୮୩ରେ ପହଞ୍ଚିଛି । ତେବେ ଏମାନଙ୍କ ମଧ୍ୟରୁ ୨୬୩ଜଣ ସୁସ୍ଥ ହୋଇସାରିଛନ୍ତି । ମୋଟ ୧୯ଜଣ ଏବେ ଆକ୍ଟିଭ ଆକ୍ରାନ୍ତ ଭାବେ ଚିକିତ୍ସାଧୀନ ଅଛନ୍ତି । ଆଜି ଚିହ୍ନଟ ୨ଜଣ ଆକ୍ରାନ୍ତ ଲୋକାଲ କଣ୍ଟାକ୍ଟ ବୋଲି ଜଣା ପଡିଛି । ଦୁଇଜଣ ଭଣ୍ଡାରିପୋଖରୀ ବ୍ଳକ ଅଞ୍ଚଳର । ପଜିଟିଭ ରିପୋର୍ଟ ଆସିବା ପରେ ଜିଲ୍ଲାପାଳ ଡ. ଜ୍ଞାନ ଦାସ ଚିହ୍ନଟ ଅଞ୍ଚଳ ଭଣ୍ଡାରିପୋଖରୀ ବ୍ଲକ ଦକ୍ଷିଣବାଡ ପଞ୍ଚାୟତର ଉତ୍ତରବାଡ ଗ୍ରାମର ବନସାହି ଅଞ୍ଚଳକୁ କଣ୍ଟେନମେଣ୍ଟଜୋନ ଏବଂ ଦକ୍ଷିଣବାଡ ପଞ୍ଚାୟତକୁ ବଫରଜୋନ ଘୋଷଣା କରିଛନ୍ତି । ଅନ୍ୟପକ୍ଷରେ ପଶ୍ଚିମବଙ୍ଗର କୋଲକାତା ହଟସ୍ପଟ ଭାବେ ଘୋଷିତ ହେବା ପରେ ଜିଲ୍ଲାପାଳ ଡ. ଦାସ କୋଲକାତାକୁ ଭଦ୍ରକରୁ ଯାଉଥିବା ଓ ଆସୁଥିବା ସମସ୍ତ ବସ୍ର ଚଳାଚଳକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି ।
