ତ୍ରିପୁରାରେ ୨୪ ବିଏସ୍‌ଏଫ୍‌ କର୍ମଚାରୀ କରୋନା ଆକ୍ରାନ୍ତ, ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୮୮

ନୂଆ ଦିଲ୍ଲୀ ୮-୫ (ଓଡ଼ିଆ ପୁଅ) ଗୁରୁବାର ଦିନ ତ୍ରିପୁରାରେ ୨୪ ଜଣ ସୀମା ସୁରକ୍ଷା ବଳ (ବିଏସଏଫ) କର୍ମଚାରୀଙ୍କର କରୋନା ଟେଷ୍ଟ ପଜିଟିଭ୍ ଆସିଛି। ତେଣୁ ଏହାକୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୮୮ ରେ ପହଞ୍ଚିଛି ବୋଲି ମୁଖ୍ୟମନ୍ତ୍ରୀ ବିପ୍ଲବ କୁମାର ଦେବ ପ୍ରକାଶ କରିଛନ୍ତି। ସମସ୍ତ ନୂଆ ମାମଲା ଧଲାଇ ଜିଲ୍ଲାର ଅମ୍ବାସା ଠାରେ ଅବସ୍ଥିତ ବିଏସଏଫର ୮୬ ତମ ବାଟାଲିୟନ ମୁଖ୍ୟାଳୟରେ ରିପୋର୍ଟ ହୋଇଥିବା ସେ କହିଛନ୍ତି।