ଭୁବନେଶ୍ୱର: କରୋନା ଭାଇରସ୍ ଆତଙ୍କରେ ସାରା ବିଶ୍ଵ ଆତଙ୍କିତ। କରୋନା ଭାଇରସକୁ ପ୍ରତିହତ କରିବା ପାଇଁ ବିଭିନ୍ନ ଦେଶ ବିଭିନ୍ନ ପଦକ୍ଷେପ ନେଉଛନ୍ତି। କରୋନା ଭୁତାଣୁକୁ ବ୍ୟାପିବାରେ ରୋକିବା ପାଇଁ, ତା’ର ଚେନ୍ ଭାଙ୍ଗିବା ପାଇଁ ଲୋକମାନଙ୍କ ମଧ୍ୟରେ ପରସ୍ପର ଭିତରେ ସାମାଜିକ ଦୂରତା ରଖିବା ପାଇଁ ଲକ୍ ଡାଉନ୍ ପରି କଠୋର ପଦକ୍ଷେପ ନିଆଯାଉଛି। ଭାରତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୋଟିଏ ଦିନ ପାଇଁ ଜନତା କର୍ଫ୍ୟୁର ଆହ୍ୱାନ ଦେଇଥିଲେ। ଏହାପରେ ଏବେ ବିଭିନ୍ନ ରାଜ୍ୟ ସରକାର ନିଜ ନିଜ ରାଜ୍ୟରେ ଲକ୍ ଡାଉନ୍ କରୁଛନ୍ତି। ଏହାର ଆବଶ୍ୟକତା ମଧ୍ୟ ରହିଛି। ଏହାସହ ମୋଦୀ ୨୨ ତାରିଖରେ ଜନତା କର୍ଫ୍ୟୁ ସହ ସନ୍ଧ୍ୟା ୫ଟାରେ ଘଣ୍ଟ, ଘଣ୍ଟି, ତାଳି, ଥାଳି ବଜାଇ କରୋନା ବିରୋଧରେ ଲଢେ଼ଇରେ କାର୍ଯ୍ୟରତ କର୍ମଚାରୀ ମାନଙ୍କୁ ସମ୍ମାନ ଏବଂ ଉତ୍ସାହିତ କରିବାକୁ ଆହ୍ୱାନ ଦେଇଥିଲେ। ମୋଦୀଙ୍କ ଏହି ଆହ୍ୱାନ କାର୍ଯ୍ୟରତ କର୍ମଚାରୀ ମାନଙ୍କୁ ସମ୍ମାନ ଏବଂ ଉତ୍ସାହିତ କରିବା ସହ ନିଜକୁ ମାନସିକ ଚାପରୁ ମୁକ୍ତ ରଖିବା ପାଇଁ ଉଦିଷ୍ଟ ଥିଲା ବୋଲି କୁହାଯାଉଛି। ଏହାସହ ଘଣ୍ଟ, ତାଳି ବଜାଇବା ଦ୍ୱାରା ଉତ୍ପନ ଶବ୍ଦ କରୋନା ଭୁତାଣୁକୁ ଦୂରେଇ ରଖିବ ବୋଲି କୁହାଯାଉଛି। ଯାହା ପୌରାଣିକ ସମ୍ବଦ୍ଧିୟ ଏବଂ ବିଜ୍ଞାନ ସ୍ଵୀକୃତ ଉପରେ ପର୍ଯ୍ୟବେସିତ ବୋଲି କୁହାଯାଉଛି।
ପୁରାଣରେ ବର୍ଣ୍ଣିତ ଅଛି, ମହାରାଜା ରଘୁଙ୍କ ସମୟରେ ଏକଦା କୋୖଣସି ସ୍ଥାନରୁ ଏକ ରାକ୍ଷସ ସନ୍ଧାନ ଆସିଥିଲା। ଯିଏ ଛୋଟଛୋଟ ପିଲାମାନଙ୍କୁ ହତ୍ୟା କରୁଥିଲା। ସାରା ରାଜ୍ୟରେ ଆତଙ୍କ ସୃଷ୍ଟି ହୋଇଗଲା।ତେବେ ତାକୁ କୌଣସି ଦେବତା ମାରି ପାରିବେ ନାହିଁ, କିମ୍ବା ମଣିଷ ଅସ୍ତ୍ରଶସ୍ତ୍ର ଦ୍ୱାରା ମଧ୍ୟ ତାକୁ ହତ୍ୟା କରିପାରିବ ନାହିଁ। ଏଭଳି ପରିସ୍ଥିତିରେ, ରାଜ ପୁରୋହିତଙ୍କ ଦ୍ୱାରା ରଘୁଙ୍କୁ ପରାମର୍ଶ ଦିଆଯାଇଥିଲା ଯେ କେବଳ ପିଲାମାନେ ସେମାନଙ୍କର କୋଳାହଳ ସହିତ ଏହି ଭୂତକୁ ଶେଷ କରିପାରିବେ। ମହାରାଜା ରଘୁଙ୍କ ନିର୍ଦ୍ଦେଶରେ ରାଜ୍ୟର ସମସ୍ତ ପିଲାମାନେ ବହୁ କାଠ ତିଆରି କରି ହାତରେ କାଠ ଜାଳି କାନ୍ଦିବାକୁ ଲାଗିଲେ। କିଛି ପିଲା କରତାଳି ଦେଉଥିଲେ ଏବଂ କେହି କେହି ଜୋରରେ ହସୁଥିଲେ। ଏଥିରେ ଅତିଷ୍ଠ ହୋଇ ରାକ୍ଷସଟି ସେହି ସ୍ଥାନ ଛାଡ଼ି ଚାଲିଯାଇଥିଲା। ଏଠାରେ ଉଲ୍ଲେଖ ଥିବା ରାକ୍ଷସ ସାଙ୍କେତିକ ହୋଇପାରେ। ଯାହା ଏକ ମହାମାରୀ ହୋଇ ପିଲାମାନଙ୍କୁ ହତ୍ୟା କରୁଥିଲା। ପିଲାମାନଙ୍କର ଉତ୍ସାହ ଦ୍ୱାରା ସେ ପରାଜିତ ହୋଇଥିଲା।
ରାଜା ରଘୁଙ୍କ ଫର୍ମୁଲା ହୁଏତ ଏବେ ମୋଦୀ ପ୍ରୟୋଗ କଲେ। ଯାହାକୁ ସାଉଣ୍ଡ ଥିଓରୋପି ବା ସାଉଣ୍ଡ ମେଡିସିନ୍ ମଧ୍ୟ କୁହାଯାଏ। ବୈଜ୍ଞାନିକ ମାନେ ମଧ୍ୟ ସ୍ୱୀକାର କରିଛନ୍ତି ଯେ ଶବ୍ଦର ବିଶେଷ କମ୍ପନ ମନ ଏବଂ ମସ୍ତିଷ୍କକୁ ପ୍ରଭାବିତ କରିଥାଏ। ଯାହା ଶରୀରର କୋଷଗୁଡ଼ିକୁ ସକ୍ରିୟ କରିଥାଏ ଏବଂ ରୋଗରୁ ରକ୍ଷା କରିଥାଏ। ବୈଜ୍ଞାନିକ ପରୀକ୍ଷଣ ଦ୍ୱାରା ଏହା ପ୍ରମାଣିତ ହୋଇଛି ଯେ ଟ୍ୟୁନିଂ କରିବା ଦ୍ୱାରା ଗ୍ରହର ନିଜସ୍ୱ ଚୁମ୍ବକୀୟ ଫ୍ରିକ୍ୱେନ୍ସି ଯୋଗୁଁ ଲୋକମାନେ ବର୍ଦ୍ଧିତ ଶିକ୍ଷା, ସ୍ମୃତି, ଶରୀରର ନବୀକରଣ, ସନ୍ତୁଳନ, ଚାପ ସହନଶୀଳତା, ନକରାତ୍ମକ ମନ ନିୟନ୍ତ୍ରଣ ଭଳି ଲାଭ ଅନୁଭବ କରନ୍ତି। /-ଦେବଦତ୍ତ ରଥ
