ଯାଜପୁର,୨୬/୧୦,(ଓଡ଼ିଆ ପୁଅ ପି ନାୟକ): ଆଜି ଯାଜପୁର ଜିଲ୍ଲା ନରହରିପୁର ଗାଁ ରେ ରହୁଥିବା ଭାରତୀୟ ରିଜର୍ଭ ବ୍ୟାଙ୍କର ଗୁଆହାଟୀ ବ୍ରାଞ୍ଚର ଜେନେରାଲ ମ୍ୟାନେଜର ଆଶିଷ ରଂଜନ ସାମଲ ଚଣ୍ଡିଖୋଲରେ ଦଉଡ଼ି ଦେଇ ଆତ୍ମହତ୍ୟା କରିଛନ୍ତି। ତେବେ ସୂଚନା ଅନୁସାରେ, ଆଶିଷ ରଂଜନ ନିଜ ମା’ଙ୍କୁ ଭେଟିବା ପାଇଁ ଗାଁ କୁ ଯାଇଥିଲେ । ପରେ ଭୁବନେଶ୍ଵର ରେ ଡାକ୍ତର ଥିବା ପତ୍ନୀଙ୍କ ପାଖକୁ ଆସିଥିଲେ । ହେଲେ ଗୁରୁବାର ସେ ହୋଟେଲରେ ରହିଥିଲେ । ପରେ ହୋଟେଲ କର୍ମଚାରୀ ଯେତେବେଳେ କବାଟ ବାଡେଇଥିଲେ କେହି କବାଟ ଖୋଲିନଥିଲେ । ପରେ ସେମାନେ ପୁଲିସକୁ ଖବର ଦେଇଥିଲେ । ପରେ କବାଟ ଭାଙ୍ଗି ଦେଖିବାରୁ ଫ୍ୟାନରେ ଝୁଲନ୍ତା ଅବସ୍ଥାରେ ଆଶିଷଙ୍କ ମୃତ ଦେହ ଉଦ୍ଧାର କରାଯାଇଥିଲା । ପୋଲିସ ଏବେ ଘଟଣାର ତଦନ୍ତ ଆରମ୍ଭ କରିଛି ।
