ନୂଆଦିଲ୍ଲୀ ୧୭/୩ (ଓଡ଼ିଆ ପୁଅ) ଆମେରିକାର ଆଟଲାଣ୍ଟାସ୍ଥିତ ତିନୋଟି ମସାଜ ପାର୍ଲରରେ ମସାଜ ପାର୍ଲରରେ ଆଖିବୁଜା ଗୁଳିଚାଳନା କରାଯାଇଛି। ଏହି ଘଟଣାରେ ଆଠ ଜଣଙ୍କର ମୃତ୍ୟୁ ହୋଇଛି।
ଯେଉଁମାନେ ମୃତ୍ୟୁବରଣ କରିଛନ୍ତି ସେମାନଙ୍କ ମଧ୍ୟରେ ଅତି କମରେ ଚାରିଜଣ ଏସିଆ ମହାଦେଶର ବଂଶର ମହିଳା ଅଛନ୍ତି। ଅଧିକାରୀମାନେ ଏ ବିଷୟରେ ସୂଚନା ଦେଇଛନ୍ତି। ଜର୍ଜିଆ, ଆଟଲାଣ୍ଟା ସହରରେ ଥିବା ତିନୋଟି ମସାଜ ପାର୍ଲରକୁ ଟାର୍ଗେଟ କରାଯାଇଛି। ସେଥିମଧ୍ୟରୁ ଦୁଇଟି ପାର୍ଲର ପରସ୍ପର ସାମନାରେ ଅବସ୍ଥିତ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।
ଅଧିକାରୀ କହିଛନ୍ତି ଯେ, ମଙ୍ଗଳବାର ବିଳମ୍ବିତ ରାତିରେ ଚେରୋକି କାଉଣ୍ଟିର ଏକ ମସାଜ ପାର୍ଲରରେ ଗୁଳି ବିନିମୟରେ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ଦୁଇ ଜଣ ଆହତ ହୋଇଛନ୍ତି।
କିଛି ସମୟ ପରେ ସହରର ଅନ୍ୟ ଦୁଇଟି ମସାଜ ପାର୍ଲରରେ ଗୁଳିଚାଳନାରେ ପାଞ୍ଚ ଜଣଙ୍କର ମୃତ୍ୟୁ ହୋଇଛି। ଏହି ଦୁଇଟି ପାର୍ଲର ପରସ୍ପର ସାମନାରେ ଅବସ୍ଥିତ। ଏହି ତିନୋଟି ଘଟଣାର ପରସ୍ପର ସହ ସମ୍ପର୍କ ଅଛି କି ନାହିଁ ପୋଲିସ କହି ନାହିଁ।
ଗୁଳି ବିନିମୟର କାରଣ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ
ଏଥି ସହିତ ପୋଲିସ୍ କର୍ତ୍ତୃପକ୍ଷ ବର୍ତ୍ତମାନ ସେହି କଳା ଏସୟୁଭି ଖୋଜୁଛନ୍ତି ଯାହା ସନ୍ଦିଗ୍ଧ ଘଟଣାସ୍ଥଳରେ ପହଞ୍ଚିଥିଲା। ଏହା ପରେ ସେ ଚେରୋକି କାଉଣ୍ଟିରେ ଅବସ୍ଥିତ ଏକ ପାର୍ଲରରେ ଗୁଳି ଚଳାଇଥିଲା। ଚେରୋକି କାଉଣ୍ଟି ସରିଫ୍ କାର୍ଯ୍ୟାଳୟର ମୁଖପାତ୍ର ଜୟ ବେକର ମୃତ୍ୟୁକୁ ନିଶ୍ଚିତ କରି କହିଛନ୍ତି ଯେ ତିନି ଜଣଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଛି। ତାଙ୍କ ସ୍ୱାସ୍ଥ୍ୟ ବିଷୟରେ ତୁରନ୍ତ କୌଣସି ସୂଚନା ଦିଆଯାଇନାହିଁ। ବେକର୍ କହିଛନ୍ତି ଯେ, ଗୁଳି ବିନିମୟ କାହିଁକି ହୋଇଛି ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ।
ଫେସବୁକରେ ପୋଷ୍ଟ ହୋଇଛି ସନ୍ଦିଗ୍ଧର ଫଟୋ, ଲୋକଙ୍କଠାରୁ ସାହାଯ୍ୟ ମଗାଯାଉଛି
ପୋଲିସ ଅଧିକାରୀ କହିଛନ୍ତି ଯେ, ସିସିଟିଭି କ୍ୟାମେରାରେ ସନ୍ଦିଗ୍ଧ ବ୍ୟକ୍ତି ପାର୍ଲର ନିକଟରେ ତା’ କାରକୁ ଅଟକାଇଥିବାର ଦେଖାଯାଇଥିଲା। ଏହା ପରେ ସେ ଭିତରକୁ ଯାଇ ଲୋକଙ୍କୁ ଗୁଳି ଚଳାଇବା ଆରମ୍ଭ କରିଦେଇଥିଲା। ବିଳମ୍ବିତ ରାତି ପର୍ଯ୍ୟନ୍ତ ପୋଲିସ ଅଧିକାରୀମାନେ ସନ୍ଦିଗ୍ଧଙ୍କୁ ଖୋଜିବାରେ ବ୍ୟସ୍ତ ଥିଲେ। ପୋଲିସ ସନ୍ଦିଗ୍ଧଙ୍କ କାର ଏବଂ ତାଙ୍କ ଫଟୋ ଫେସବୁକ ପେଜରେ ପୋଷ୍ଟ କରିଛି। ଲୋକଙ୍କଠାରୁ ସାହାଯ୍ୟ ନିଆଯାଉଛି ଯେ, ଯଦି କେହି ଏହାକୁ କୌଣସି ସ୍ଥାନରେ ଦେଖିଥିବେ, ତେବେ ସେମାନେ ପୋଲିସକୁ ଏ ବିଷୟରେ ଜଣାଇବାକୁ କୁହାଯାଇଛି। ଗୁଳି ବିନିମୟ ପରେ ଟ୍ରାଫିକ ମଧ୍ୟ ଜାମ୍ ହୋଇଯାଇଥିଲା।
