ଭଦ୍ରକ, ୮ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକ ଅନ୍ତର୍ଗତ ପାଟୁଳି, ତେସିଙ୍ଗା, ରାଜେନ୍ଦ୍ରପୁର, ସରସଦା ଓ ନେରଡା ପଞ୍ଚାୟତରେ ଶ୍ରୀଜଗନ୍ନାଥ ଅର୍ପଣ ରଥ ପରିକ୍ରମା ସୋମବାର ଅନୁଷ୍ଠିତ ହୋଇଯାଇଛି । ବିପୁଳ ସ୍ୱାଗତ କରାଯାଇଛି । ପାଟୁଳି ଠାରେ ଯୁବନେତା ନିଳାମ୍ବର ରାଉତଙ୍କ ସଂଯୋଜନାରେ ଅନୁଷ୍ଠିତ ଉତ୍ସବରେ ବିଧାୟକ ପ୍ରତିନିଧି ପ୍ରୟାସକାନ୍ତି ସାମଲ ମୁଖ୍ୟଅତିଥି, ରାଜେନ୍ଦ୍ର ଖଣ୍ଡାଇ, ସତ୍ୟାନନ୍ଦ ମହାପାତ୍ର, ଅଭୟ ବେହେରା, କମଳାକାନ୍ତ ପରିଡା, ମନୋଜ ଜେନା, ଅଶୋକ ଦାସ, ରଘୁନାଥ ରାଉତ ପ୍ରମୁଖ ରଥ ପରିକ୍ରମାରକୁ ସ୍ୱାଗତ କରିବା ଗୁଆ, ଅରୁଆ ଚାଉଳ ଅର୍ପଣ କରିଥିଲେ । ସେହିପରି ତେସିଙ୍ଗା ପଞ୍ଚାୟତରେ ସରପଞ୍ଚ ଧନେଶ୍ୱର ଖୁଣ୍ଟିଆଙ୍କ ନେତୃତ୍ୱରେ ଅର୍ପଣ କାର୍ଯ୍ୟକ୍ରମ ଅନୁଷ୍ିଂତ ହୋଇଥିଲା । ଏହି ଅବସରରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ସମ୍ପର୍କରେ ଅତିଥିମାନେ ମତବ୍ୟକ୍ତ କରିବା ସହ ରଥ ପରିକ୍ରମା ସଫଳତା ପାଇଁ ଶ୍ରୀଜଗନ୍ନାଥଙ୍କୁ ପ୍ରାର୍ଥନା କରି ପରିବାରମାନଙ୍କ ଠାରୁ ଗୁଆ ଚାଉଳ ସଂଗ୍ରହ କରିଥିଲେ । ଏହି ରଥ ମଙ୍ଗଳବାର ବିଭିନ୍ନ ପଞ୍ଚାୟତରେ ପରିକ୍ରମା କରିବ ବୋଲି ଜଣାଯାଇଛି ।
