ନୂଆ ଦିଲ୍ଲୀ ୧୦-୨ (ଓଡ଼ିଆ ପୁଅ) ମୁସଲିମ ବିବାହ ସମ୍ବନ୍ଧୀୟ ବିଭିନ୍ନ ଦଲିଲ ଏବଂ କୋର୍ଟଙ୍କ ଦ୍ୱାରା କରାଯାଇଥିବା ବିଭିନ୍ନ ବିଚାର ଉପରେ ନିର୍ଭର କରି ପଞ୍ଜାବ ଏବଂ ହରିୟାଣା ହାଇକୋର୍ଟ କହିଛନ୍ତି ଯେ, ଜଣେ ମୁସଲମାନ ଝିଅ, ଯାହାର ବୟସ ୧୮ ବର୍ଷରୁ କମ୍ ଏବଂ ଯୌବନାବସ୍ଥାରେ ପହଁଚିଛି, ସେ ମଧ୍ୟ ମୁସଲିମ ପର୍ସନାଲ ଲ ଅନୁଯାୟୀ ଯେକୌଣସି ବ୍ୟକ୍ତିକୁ ବିବାହ କରିବା ପାଇଁ ସ୍ୱତନ୍ତ୍ର। ଏଥିପାଇଁ କୋର୍ଟ ସାର୍ ଦୀନେଶ ଫର୍ଦୁନଜୀ ମୁଲ୍ଲାଙ୍କ ‘ପ୍ରିନ୍ସିପଲ୍ସ ଅଫ୍ ମହମ୍ମଡ଼ିଆନ୍ ଲ’ ପୁସ୍ତକରୁ ଧାରା ୧୯୫ କୁ ଦର୍ଶାଇଛନ୍ତି। ହାଇକୋର୍ଟ ଅନୁଭବ କରିଛନ୍ତି ଯେ ଯୁବାବସ୍ଥାରେ ପହଞ୍ଚିବା ପରେ ଜଣେ ମୁସଲମାନ ଝିଅ ନିଜ ପସନ୍ଦର ପୁରୁଷଙ୍କୁ ବିବାହ କରିବାକୁ ସ୍ୱତନ୍ତ୍ର ଏବଂ ମୁକ୍ତ ଅଟେ।
ମୁସଲିମ ପର୍ସନାଲ ଲ ଅନୁଯାୟୀ “ବିବାହର କ୍ଷମତା” କୁ ବ୍ୟାଖ୍ୟା କରି ମୁଲ୍ଲାଙ୍କ ପୁସ୍ତକର ଧାରା ୧୯୫ ରେ କୁହାଯାଇଛି ଯେ ପରିପକ୍ୱ ମନ ଥିବା ପ୍ରତ୍ୟେକ ମୁସଲମାନ ଯିଏ କି ଯୌବନାବସ୍ଥା ହାସଲ କରିଛନ୍ତି ସେ ବିବାହ ଚୁକ୍ତି କରିପାରନ୍ତି।
ନାବାଳିକାମାନେ ଯେଉଁମାନେ ଯୌବନ ପ୍ରାପ୍ତି କରିନାହାଁନ୍ତି, ସେମାନଙ୍କ ପିତାମାତାଙ୍କ ଦ୍ୱାରା ବିବାହପାଇଁ ବୈଧ ଚୁକ୍ତି କରିପାରିବେ।
ପୁସ୍ତକ ଅନୁଯାୟୀ, “ପନ୍ଦର ବର୍ଷ ବୟସ ପୂରଣ ହେବା ପରେ, ପ୍ରମାଣ ଅଭାବରୁ ଯୌବନାବସ୍ଥା ସମ୍ପୂର୍ଣ୍ଣ ବୋଲି ବିବେଚନା କରାଯାଏ। ପଞ୍ଜାବର ଜଣେ ମୁସଲମାନ ଦମ୍ପତିଙ୍କ ଆବେଦନ ଉପରେ ଶୁଣାଣି କରିବା ବେଳେ ଜଷ୍ଟିସ୍ ଅଲକା ସରିନ୍ ଏହି ନିର୍ଦ୍ଦେଶ ଦେଇଛନ୍ତି। ଏହି ମାମଲାରେ ଆବେଦନକାରୀ ଜାନୁୟାରୀ ୨୧, ୨୦୨୧ ରେ ଜଣେ ୩୬ ବର୍ଷ ବୟସ୍କ ପୁରୁଷ ଏବଂ ୧୭ ବର୍ଷର ଝିଅ ମୁସଲିମ୍ ରୀତିନୀତି ଅନୁଯାୟୀ ସେମାନଙ୍କ ବିବାହ ଘୋଷଣା କରିଥିଲେ। ଏହା ସେମାନଙ୍କର ପ୍ରଥମ ବିବାହ ଥିଲା। ସେମାନେ ନିଜ ଜୀବନର ସୁରକ୍ଷା ତଥା ସମାଜର ବିରୋଧରୁ ମୁକ୍ତି ପାଇଁ ନିର୍ଦ୍ଦେଶ ଲୋଡିଥିଲେ।
ମୁସଲିମ ନିୟମରେ ଯୌବନ ଏବଂ ବହୁମତ ସମାନ ବୋଲି ଆବେଦନକାରୀମାନେ ଯୁକ୍ତି ବାଢ଼ିଥିଲେ। ଏକ ଆକଳନ ଅଛି ଯେ ଜଣେ ବ୍ୟକ୍ତି ୧୫ ବର୍ଷ ବୟସରେ ବହୁମତ ତଥା ଯୌବନାବସ୍ଥା ହାସଲ କରନ୍ତି। ସେ ଏହା ମଧ୍ୟ ଯୁକ୍ତି କରିଛନ୍ତି ଯେ, ଜଣେ ମୁସଲମାନ ବାଳକ କିମ୍ବା ମୁସଲମାନ ଝିଅ ଯିଏ କି ଯୌବନାବସ୍ଥାରେ ପହଞ୍ଚିଛି ସେ କାହାକୁ ବିବାହ କରିବାକୁ ସ୍ସତନ୍ତ୍ର ଅଥବା ମୁକ୍ତ ଅଟେ। ଅଭିଭାବକଙ୍କ ଏଥିରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ। ଆବେଦନକାରୀମାନେ ଯୁକ୍ତି ଦର୍ଶାଇଥିଲେ ଯେ ସେମାନଙ୍କ ସମ୍ପର୍କୀୟଙ୍କ ଯୋଗୁଁ ସେମାନଙ୍କ ଜୀବନ ଓ ସ୍ୱାଧୀନତା ବିପଦରେ ପଡ଼ିଛି। ଏହାର ସୁରକ୍ଷା ପାଇଁ ସେ ମୋହାଲି ଏସଏସପିଙ୍କୁ ଅନୁରୋଧ କରିଛନ୍ତି।
ତାଙ୍କ ତର୍କ ଶୁଣିବା ପରେ ବିଚାରପତି ଦେଖିଲେ ଯେ, ମୁସଲମାନ ଝିଅ ମୁସଲିମ ପର୍ସନାଲ ଲ ଦ୍ୱାରା ପରିଚାଳିତ। କେବଳ ଆବେଦନକାରୀମାନେ ସେମାନଙ୍କ ପରିବାର ସଦସ୍ୟଙ୍କ ଇଚ୍ଛା ବିରୁଦ୍ଧରେ ବିବାହ କରିଛନ୍ତି, ତେଣୁ ସେମାନେ ସମ୍ବିଧାନ ଦ୍ୱାରା ପ୍ରଦାନ କରାଯାଇଥିବା ମୌଳିକ ଅଧିକାରରୁ ବଞ୍ଚିତ ହୋଇପାରିବେ ନାହିଁ। ହାଇକୋର୍ଟ ତାଙ୍କ ସପକ୍ଷରେ ରାୟ ଦେଇ ମୋହାଲି ଏସଏସପିଙ୍କୁ ତାଙ୍କ ଜୀବନର ସୁରକ୍ଷା ସମ୍ପର୍କରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦେଇଛନ୍ତି।
