ନୂଆ ଦିଲ୍ଲୀ ୨୧ ଅଗଷ୍ଟ (ଓଡ଼ିଆ ପୁଅ) ସାଇବର ଅପରାଧୀମାନେ କଂଗ୍ରେସ ନେତା ତଥା ଅଭିନେତା ଶତ୍ରୁଘ୍ନ ସିହ୍ନାଙ୍କ ଟ୍ୱିଟର ଆକାଉଣ୍ଟକୁ ହ୍ୟାକ୍ କରି ଏହାର ନାମ ‘ଏଲୋନ୍ ମସ୍କ’ ରେ ପରିବର୍ତ୍ତନ କରିଥିବା ଅଭିଯୋଗ ହୋଇଛି। ରକେଟ୍ ଲଞ୍ଚର ଫଟୋ ସହିତ ସେମାନେ ତାଙ୍କର ପ୍ରୋଫାଇଲ୍ ଫଟୋ ମଧ୍ୟ ପରିବର୍ତ୍ତନ କରିଛନ୍ତି।
ପ୍ରକାଶ ଥାଉକି, ତାଙ୍କ ପ୍ରୋଫାଇଲରେ ହୋଇଥିବା ପରିବର୍ତ୍ତନ ବିଷୟରେ ଅବଗତ ନହୋଇ ସିହ୍ନା ତାଙ୍କ ପାର୍ଟିର ସହକର୍ମୀ ଶଶି ଥରୁରଙ୍କ ବିଷୟରେ ଟୁଇଟ୍ କରିଥିବାରୁ ହ୍ୟାକରମାନେ ପାସୱାର୍ଡ଼କୁ ଅପରିବର୍ତ୍ତିତ ରଖିଛନ୍ତି।
ଏହା ମଧ୍ୟ ସ୍ପଷ୍ଟ ନୁହେଁ ଯେ ସିହ୍ନା ବର୍ତ୍ତମାନ ତାଙ୍କ ହ୍ୟାଣ୍ଡେଲକୁ ଏଣ୍ଟର କରିବାକୁ ସକ୍ଷମ କି ନୁହେଁ। ଏପ୍ରିଲ ୨୦୧୯ ରେ କଂଗ୍ରେସରେ ଯୋଗଦେଇଥିବା ସିହ୍ନା ବିଜେପି ଛାଡିଥିଲେ ଏବଂ ବିହାରର ପାଟନା ସାହିବ ନିର୍ବାଚନମଣ୍ଡଳୀରୁ ୨୦୧୯ ଲୋକସଭା ନିର୍ବାଚନରେ ବିଜେପି ନେତା ରବି ଶଙ୍କର ପ୍ରସାଦଙ୍କ ବିରୋଧରେ ପ୍ରତିଦ୍ୱନ୍ଦ୍ୱିତା କରି ହାରିଥିଲେ। ବିଭିନ୍ନ ପ୍ରସଙ୍ଗରେ ବିଜେପି ସହ ବିବାଦ ଘେରକୁ ଆସିଥିଲେ ଶତ୍ରୁଘ୍ନ। ବିମୁଦ୍ରୀକରଣ ଏବଂ ଜିଏସ୍ଟିର କାର୍ଯ୍ୟକାରିତାକୁ ମଧ୍ୟ ସେ ସମାଲୋଚନା କରିଥିଲେ।
ଏହା ପ୍ରଥମ ଘଟଣା ନୁହେଁ ଯେତେବେଳେ ଜଣେ ରାଜନୈତିକ ନେତାଙ୍କ ଟ୍ୱିଟର ଆକାଉଣ୍ଟ ହ୍ୟାକ୍ ହୋଇଛି। ଏହାପୂର୍ବରୁ ଚଳିତ ବର୍ଷ ଜୁଲାଇରେ ବିଜେପି ନେତା ଖୁସବୁ ସୁନ୍ଦରଙ୍କ ଟ୍ୱିଟର ଆକାଉଣ୍ଟରେ ହ୍ୟାକ କରାଯାଇଥିଲା। ଜୁଲାଇ ମାସରେ ମଧ୍ୟ ଲୋକସଭା ସାଂସଦ ଅସଦୁଦ୍ଦିନ ଓୱାଇସିଙ୍କ ପାର୍ଟି (AIMIM) ର ଟ୍ୱିଟର ଆକାଉଣ୍ଟକୁ ଟେସଲା ହ୍ୟାକ କରାଯାଇଥିଲା।
