ଭୁବନେଶ୍ୱର ୧୯ -୩ (ଓଡ଼ିଆ ପୁଅ) ଆଜି ହେଉଛି ରଙ୍ଗର ପର୍ବ ହୋଲି। ଉତ୍ସବ ମୁଖର ହୋଇପଡ଼ିଛି ଗାଁଠାରୁ ସହର ପର୍ଯ୍ୟନ୍ତ। କରୋନୈ କଟକଣା ସାମାନ୍ୟ କୋହଳ ହୋଇଥିବାରୁ ଲୋକଙ୍କୁ ରଙ୍ଗ ଖେଳିବାର ମଜା ଉଠାଇବାକୁ ସସମ୍ତେ ଚାହିଁ ବସିଥିଲେ। ଗତ ବର୍ଷ ହୋଲି ଖେଳିବା ସମ୍ଭବ ହୋଇପାରିନଥିଲା କରୋନା କଟକଣା କାରଣରୁ।
ତେବେ ଏହି ରଙ୍ଗର ପର୍ବ ହୋଲି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏ ନେଇ ମୁଖ୍ୟମନ୍ତ୍ରୀ ଟ୍ୱିଟ କରିଛନ୍ତି। ମୁଖ୍ୟମନ୍ତ୍ରୀ ତାଙ୍କ ଟ୍ୱିଟରେ ଲେଖିଛନ୍ତିଯେ, “ରଙ୍ଗର ପର୍ବ ହୋଲି ଅବସରରେ ରାଜ୍ୟବାସୀଙ୍କୁ ମୋର ଆନ୍ତରିକ ଶୁଭେଚ୍ଛା ଓ ଅଭିନନ୍ଦନ ଜଣାଉଛି। ସମସ୍ତ କୋଭିଡ ନିୟମ ପାଳନ କରି ଉତ୍ସବରେ ସାମିଲ ହୁଅନ୍ତୁ। ସମସ୍ତେ ସୁସ୍ଥ ରୁହନ୍ତୁ ଓ ଖୁସିରେ ରୁହନ୍ତୁ।”
