ଭଦ୍ରକ, ୩୧ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସ୍ଥାନୀୟ ଚନ୍ଦ୍ରଭାନୁପୁର କ୍ରିକେଟ ପଡିଆରେ ହରମୋହନ ମହାପାତ୍ର ମେମୋରିଆଲ କ୍ରିକେଟ ୬ଷ୍ଠତମ ଟୁର୍ଣ୍ଣାମେଣ୍ଟର ବୁଧବାର ଅନୁଷ୍ଠିତ ୨ୟ କ୍ୱାଟର ଫାଇନାଲ ମ୍ୟାଚ ଆଦର୍ଶ କ୍ଲବ ବାଲେଶ୍ୱର ଓ ଭୁବନେଶ୍ୱର ଜୟଦେବ ସ୍ପୋର୍ଟସ ଆସୋସିଏସନ ପରସ୍ପରକୁ ମୁକାବିଲା କରିଥିଲେ । ଆଦର୍ଶ ଏକାଦଶ ଅଧିନାୟକ ଟସ ଜିଣି ପ୍ରଥମେ ଫିଲ୍ଡିଂ କରିବା ନିଷ୍ପତ୍ତି ନେଇଥିଲେ । ଜୟଦେବ ସ୍ପୋର୍ଟସ ଏକାଦଶ ନିର୍ଦ୍ଧାରିତ ୨୫ ଓଭରରେ ୯ ଉଇକେଟ ହରାଇ ୨୫୪ ରନ ସଂଗ୍ରହ କରିଥିଲା । ଦଳ ପକ୍ଷରୁ ବିସ୍ମୟ ରାଉତ ୫୯ ଓ ଲକ୍ଷ୍ମୀଧର ପ୍ରଧାନ ୩୨ ରନ ସ୍କୋର କରିଥିଲେ । ପ୍ରତିପକ୍ଷ ବୋଲର ଲୋସୋନାଥି ମୁର୍ମୁ ୫ ଓଭର ବୋଲିଂ କରି ୫୧ ରନ ଦେଇ ୪ ଉଇକେଟ ଓ ବିଶାଲ କୁମାର ଦାଶ ୫ ଓଭର ବୋଲିଂ କରି ୨୧ ରନ ଦେଇ ୨ ଉଇକେଟ ଅକ୍ତିଆର କରିଥିଲେ । ଜବାବରେ ଆଦର୍ଶ ଏକାଦଶ ୨୩.୨ ଓଭରରେ ୮ ଉଇକେଟ ହରାଇ ୨୫୭ ରନ ସଂଗ୍ରହ କରି ବିଜୟୀ ହୋଇଥିଲା । ଦଳ ପକ୍ଷରୁ ନୌତ୍ତମ ଭଞ୍ଜ ୧୨୮ ଓ ମୀନହାଜ ୩୪ ରନ ସ୍କୋର କରିଥିଲେ । ପ୍ରତିପକ୍ଷ ବୋଲର ଅମିତାଭ ରାୁତ ୫ ଓଭର ବୋଲିଂ କରି ୩୭ ରନ ଦେଇ ୩ ଉଇକେଟ ଅକ୍ତିଆର କରିଥିଲେ । ମ୍ୟାନ ଅଫଦି ମ୍ୟାଚ ବିବେଚିତ ନୌତ୍ତମ ଭଞ୍ଜଙ୍କୁ ଜ୍ଞାନରଞ୍ଜନ ନାୟକ ପୁରସ୍କୃତ କରିଥିଲେ । ରାମଚନ୍ଦ୍ର ଦାସ ଓ ଶାରଦା ପ୍ରସନ୍ନ ମହାପାତ୍ର ଅମ୍ପାୟାର ଭାବେ ମ୍ୟାଚ ପରିଚାଳନା କରିଥିଲେ । ଶୋଭନ ଶଙ୍ଖୁଆ ଓ ଜ୍ୟୋତିରଞ୍ଜନ ଦତ୍ତ ସ୍କୋରର, ପ୍ରଦୀପ ଜେନା ଧାରାବିବରଣୀ ପ୍ରଦାନ କରିଥିଲେ ।
