ନୂଆ ଦିଲ୍ଲୀ ୧୦-୧ (ଓଡ଼ିଆ ପୁଅ) ପତ୍ନୀ ଅଦଳବଦଳ ଅଭିଯୋଗରେ ୭ ଜଣଙ୍କୁ ପୋଲିସ ଗିରଫ କରିଛି। ଜଣେ ଅଭିଯୁକ୍ତଙ୍କ ପତ୍ନୀଙ୍କ ଅଭିଯୋଗ ପରେ ପୋଲିସ ଏହିପରି କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ସୂଚନାଯୋଗ୍ୟଯେ, ପତ୍ନୀଙ୍କୁ ଅଦଳବଦଳ କରି ସେମାନଙ୍କ ସହ ଶାରିରୀକ ସମ୍ପର୍କ ସ୍ଥାପନ କରିବାକୁ କୁହାଯାଏ ୱାଇଫ୍ ସ୍ୱାପିଂ। କେରଳର କୋଟାୟାମ ନିକଟସ୍ଥ କାରୁକାୱାଲରୁ ଏହିପରି ଅଭିଯୋଗ ଅସିବା ପରେ କେରଳ ପୋଲିସ୍ ରବିବାର ଦିନ ୭ ଜଣଙ୍କୁ ଗିରଫ କରିଛି।
ପତ୍ନୀଙ୍କୁ ଅଦଳବଦଳ କରିବାର ଘୃଣ୍ୟ କାମ ଟେଲିଗ୍ରାମ ଆପ୍ ମାଧ୍ୟମରେ କରାଯାଉଥିଲା। ଏହି ରାକେଟରେ ଏକ ହଜାରରୁ ଅଧିକ ସଦସ୍ୟ ଥିବା କୁହାଯାଉଛି। ପୋଲିସ କହିଛି ଯେ ଜଣେ ମହିଳା ଅଭିଯୋଗ କରିଛନ୍ତି ଯେ ସ୍ୱାମୀ ତାଙ୍କ ସହ ଜବରଦସ୍ତ ଏହିପରି ସମ୍ପର୍କ ରଖିବାକୁ ବାଧ୍ୟ କରୁଥିଲେ। ତାଙ୍କୁ ଅନ୍ୟ ଜଣଙ୍କ ସହ ମଧ୍ୟ ଏପରି ସମ୍ପର୍କ ରଖିବାକୁ ବାଧ୍ୟ କରୁଛନ୍ତି ବୋଲି ମହିଳା ଜଣକ ଅଭିଯୋଗ କରିଥିଲେ।
ଅଭିଯୋଗ ପରେ ପୋଲିସ୍ କରିଥିଲା ତଦନ୍ତ। ତଦନ୍ତ ବେଳେ ଏହିପରି ଏକ ବଡ଼ ରାକେଟର ଖୁଲାସା ହୋଇଥିଲା। ତଦନ୍ତରୁ ଜଣାପଡିଛି ଯେ ମହିଳାଙ୍କ ସ୍ୱାମୀ ତାଙ୍କୁ ଅନ୍ୟ ଲୋକଙ୍କ ସହ ସମ୍ପର୍କ ରଖିବାକୁ ବାଧ୍ୟ କରୁଥିଲେ। ଗ୍ୟାଙ୍ଗର ସଦସ୍ୟମାନେ ଟେଲିଗ୍ରାମ, ମେସେଞ୍ଜର ଆପ୍ ବ୍ୟବହାର କରି ପରସ୍ପର ସହ ସମ୍ପର୍କ ରଖୁଥିଲେ। ଅଭିଯୁକ୍ତମାନଙ୍କୁ କୋଟାୟାମ, ଆଲାପୁଜା ଏବଂ ଏର୍ନାକୁଲମ ଜିଲ୍ଲାରୁ ଗିରଫ କରାଯାଇଛି। ଏହି ଗ୍ୟାଙ୍ଗର ଅନ୍ୟ ସଦସ୍ୟମାନଙ୍କୁ ଖୋଜା ଚାଲିଛି।
ଗିରଫ ବ୍ୟକ୍ତିମାନେ କୋଟାୟାମ, ପଠାନମିତ୍ର ଏବଂ ଆଲାପୁଜା ଜିଲ୍ଲାର। ଫେସବୁକ ଏବଂ ଟେଲିଗ୍ରାମ ଭଳି ବିଭିନ୍ନ ସୋସିଆଲ ମିଡିଆ ପ୍ଲାଟଫର୍ମ ଜରିଆରେ ବ୍ୟବହୃତ କରି ଏହିପରି ଘୃଣ୍ୟକାର୍ଯ୍ୟକୁ ପ୍ବର୍ତ୍ତାଉଥିବା ରାକେଟକୁ କାରୁକାଲ ପୋଲିସ ଲୋକଲୋଚନକୁ ଆଣିଛି।
ଅଧିକାରୀମାନେ କହିଛନ୍ତି ଯେ ଏହି ରାକେଟର ସଦସ୍ୟମାନେ ଅନେକ ପେସାଦାର ଏବଂ ସମାଜର ଉଚ୍ଚ ଶ୍ରେଣୀର ଲୋକ ଅଛନ୍ତି। ସଦସ୍ୟ ଦମ୍ପତି, ଯେଉଁମାନେ ପର୍ଯ୍ୟାୟକ୍ରମେ ଭେଟନ୍ତି, ସେମାନଙ୍କ ମଧ୍ୟରେ ପତ୍ନୀ ବିନିମୟ ହୋଇଥାଏ।
ସମାନ ଚିନ୍ତାଧାରା ଥିବା ଲୋକଙ୍କୁ ସୋସିଆଲ ମିଡିଆ ମାଧ୍ୟମରେ ଯୋଗାଯୋଗ କରାଯାଉଥିଲା। ‘ଦମ୍ପତି ଅଦଳବଦଳ’ ଗୋଷ୍ଠୀରେ ଏହିପରି ବିନିମୟ ଚାଲିଥିଲା। ଜଣେ ମହିଳାଙ୍କ ଅଭିଯୋଗ ପାଇବା ପରେ ସେ ପୋଲିସ୍ କାର୍ଯ୍ୟାନୁଷ୍ଠାନ ଆରମ୍ଭ କରିଥିଲେ। ତାଙ୍କ ସ୍ବାମୀଙ୍କ ଦ୍ୱାରା ଏପରି କାର୍ଯ୍ୟକଳାପରେ ବାଧ୍ୟ ହୋଇଥିଲେ। ଏହି ମହିଳାଙ୍କ ସ୍ୱାମୀଙ୍କୁ ପୋଲିସ୍ ଗିରଫ କରିଛି।
ଅଭିଯୋଗ ପାଇବା ପରେ ପୋଲିସ କାର୍ଯ୍ୟାନୁଷ୍ଠାନ ଆରମ୍ଭ କରି ଗଲ୍ଫରୁ ରିଟର୍ଣ୍ଣିଂ କରୁଥିବା ତାଙ୍କ ସ୍ୱାମୀଙ୍କୁ ଗିରଫ କରିଥିଲା। ପରବର୍ତ୍ତୀ ସମୟରେ, ଏହିପରି ଶାସିରୀକ ସମ୍ପର୍କ ପାଇଁ ଅଂଶୀଦାରମାନଙ୍କ ଆଦାନ ପ୍ରଦାନର ଏକ ନେଟୱାର୍କର ଖୁଲାସା ହୋଇଥିଲା।
ବିଭିନ୍ନ ପ୍ରକାଶିତ ରିପୋର୍ଟ ଅନୁଯାୟୀ, ସୋସିଆଲ ମିଡିଆ ଗ୍ରୁପ୍ ସେମାନଙ୍କ ସଦସ୍ୟ ମଧ୍ୟରେ ପତ୍ନୀ ଅଦଳବଦଳ, କକ୍କୋଲ୍ଡିଂ, ଥ୍ରୀସମ (ତିନିଜଣଙ୍କ ମଧ୍ୟରେ ଶାରିରୀକ ସମ୍ପର୍କ) ଏବଂ ଅପ୍ରାକୃତିକ ସମ୍ପର୍କ ରଖିବା ପାଇଁ ସୁଯୋଗ ପ୍ରଦାନ କରୁଥିବା ଦେଖିବାକୁ ପାଇଥିଲେ। କେତେକ ଗୋଷ୍ଠୀରେ ଏପରିକି ୫୦୦୦ ରୁ ଅଧିକ ସଦସ୍ୟ ଥିଲେ। ଅନେକ ପେସାଦାର ଯେପରିକି ଆଇନଜୀବୀ ଏବଂ ଡାକ୍ତରମାନେ ନକଲି ପରିଚୟ ବ୍ୟବହାର କରି ଏହି ଗୋଷ୍ଠୀରେ ଯୋଗ ଦେଇଥିବାର ଜଣାପଡ଼ିଛି। ମହିଳାମାନଙ୍କ ସମେତ ଅନେକ ଲୋକ ସ୍ୱେଚ୍ଛାକୃତ ଭାବେ ଏପରି କାର୍ଯ୍ୟରେ ଅଂଶଗ୍ରହଣ କରିଥିଲେ। କେତେକ ମହିଳା କିନ୍ତୁ ସ୍ୱାମୀଙ୍କ ଦ୍ୱାରା ଏପରି କାର୍ଯ୍ୟ କରିବା ପାଇଁ ବାଧ୍ୟ ହୋଇଥିଲେ।
ସୂଚନାଯୋଗ୍ୟଯେ, ଅନେକ ପତ୍ନୀ ଯେଉଁମାନେ ନିଜ ଇଚ୍ଛା ବିରୁଦ୍ଧରେ ଏହା କରିବାକୁ ବାଧ୍ୟ ହେଉଛନ୍ତି ସେମାନେ ଆତ୍ମହତ୍ୟା ପ୍ରବୃତ୍ତି ଦେଖାଉଛନ୍ତି ତେଣୁ ଅତି ଯତ୍ନର ସହ ପୋଲିସ୍ କୁ ତଦନ୍ତ କରିବାକୁ ପଡିବ ବୋଲି କୁହାଯାଉଛି। ରିପୋର୍ଟରେ ଦର୍ଶାଯାଇଛି ଯେ ପ୍ରାୟ ୯୦% ମହିଳା ଏଥିରେ ଆରାମଦାୟକ ନୁହଁନ୍ତି, ସେମାନଙ୍କର ମାଇଣ୍ଡ ୱାସ୍ କରାଯାଇଥାଏ।
