ଭଦ୍ରକ, ୨ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ବନ୍ତ ଓ ହାଟଡିହି ବ୍ଲକ ସିମାନ୍ତ ବସନ୍ତିଆ ନିକଟସ୍ଥ ବିରଞ୍ଚିପୁର ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ଘଟିଛି । ପ୍ରତ୍ୟକ୍ଷ ଦର୍ଶୀଙ୍କ ସୂଚନା ଅନୁଯାୟୀ ଆଜି ୧୨ ଘଟିକା ସମୟରେ ୨ ମୋଟର ସାଇକେଲ ଆରୋହୀ ଆନନ୍ଦପୁରରୁ ବସନ୍ତିଆ ଆଡ଼କୁ ଯାଉଥିବା ସମୟରେ ଦୁର୍ଘଟଣା ଘଟିଥିଲା । ଭଦ୍ରକ ପଟୁ ଆସୁଥିବା ଏକ ଦଶ ଚକିଆ ଟ୍ରକ୍ ସହ ଆରୋହି ଦ୍ୱୟଙ୍କ ମୁହାଁମୁହିଁ ଧକ୍କା ହୋଇଥିଲା,ଫଳରେ ଟ୍ରକ୍ଟି ଦୁଇ ଜଣଙ୍କ ମଥା ଉପରେ ଟ୍ରକ୍ଟି ଚଢ଼ି ଯିବା ଯୋଗୁଁ ଘଟଣା ସ୍ଥଳରେ ଦୁଇ ଜଣ ମୃତ୍ୟୁ ବରଣ କରିଥିଲେ । ନନ୍ଦିପଦା ପୋଲିସ ପହଞ୍ଚି ଯାନ ବାହନ ଚଳାଚଳ ସ୍ୱାଭାବିକ କରିଥିବା ବେଳେ ମୃତକ ଦ୍ୱୟଙ୍କୁ ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟପକ୍ଷରେ ଦୁର୍ଘଟଣା ଘଟାଇ ଥିବା ଟ୍ରକ୍ କୁ ଜବତ୍ କରି ପୋଲିସ୍ ଥାନାକୁ ଆଣିଛି । ମୃତକ ଦ୍ୱୟ ହେଲେ ଭଦ୍ରକ ଗ୍ରାମାଞ୍ଚଳ ଥାନା ବରପଦା ସୁଲଗଢିଆ ଗ୍ରାମର ଇନ୍ଦ୍ରମଣି ସେଠୀ ଓ ରବିନ୍ଦ୍ର ପେଡା ବୋଲି ଜଣାପଡ଼ିଛି । ମୃତକ ଦ୍ୱୟ ଆଜି ସକାଳେ ହାଟଡିହି ବ୍ଲକ ଚୋରଗଢିଆ ଠାରେ ଥିବା ଭଉଣୀ ଘରକୁ ଦୂତିୟା ଭାର ନେଇଯାଉଥିବା ବେଳେ ଏହି ଦୁର୍ଘଟଣା ଘଟିଛି ।
