ଭଦ୍ରକ, ୬ା୧ (ଓଡ଼ିଆ ପୁଅ / ସ୍ନିଗ୍ଧା ରାୟ) -ଆଜି ଭଦ୍ରକ ବନ୍ତଛକ ଓଭରବ୍ରିଜ୍ ଉପରେ ଏକ ସଡକ ଦୁର୍ଘଟଣାରେ ଜଣେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି । ପ୍ରାପ୍ତ ସୂଚନା ଅନୁସାରେ ଭଦ୍ରକ ବନ୍ତଛକ ଓଭରବ୍ରିଜ୍ ଉପରେ ଓଡ଼ି-୨୨କ୍ୟୁ-୬୭୦୯ ନମ୍ବରର ଏକ ହୋଣ୍ଡା ଏଭିଏଟର ସ୍କୁଟର ଯାଉଥିବାବେଳେ ଓଡି-୨୨ଏସ୍-୦୬୬୬ ନମ୍ବରର ଏକ ହାଇୱା ଟ୍ରକ୍ ତାଙ୍କ ଉପରେ ଚଢିଯାଇଥିଲା । ଯାହାଫଳରେ ଘଟଣାସ୍ଥଳରେ ବାଇକ୍ ଆରୋହୀର ମୃତ୍ୟୁ ଘଟିଛି । ତେବେ ମୃତକ ହେଉଛନ୍ତି ଗେଲପୁର-ବରଡାଡିହିର ପୂର୍ଣ୍ଣଚନ୍ଦ୍ର ବେହେରାଙ୍କ ପୁତ୍ର ଲକ୍ଷ୍ମୀକାନ୍ତ ବେହେରା (୨୬) ବୋଲି ସୂଚନା ମିଳିଛି । ପୁଲିସ୍ ହାଇୱା ଡ୍ରାଇଭରକୁ ଅଟକ ରଖି ତଦନ୍ତ ଚଳାଇଥିବାର ଜଣାପଡିଛି ।
