କୋରାପୁଟ ୧୪-୦୨(ଓଡିଆ ପୁଅ/ରଂଜନ ଦାସ) ଆନ୍ଧ୍ରପ୍ରଦେଶ ସରକାର ଦ୍ୱାରା ବେଆଇନ ଭାବେ ବିବାଦୀୟ ଅଂଚଳରେ ଶନିବାର କରାଯାଇଥିବା ପଂଚାୟତ ନିର୍ବାଚନରେ ସେଦାରାପୁ କାମି(ହିମିରିକା) ଫାଟୁସିନେରୀ ସରପଂଚ ଭାବେ ନିର୍ବାଚିତ ହୋଇଛନ୍ତି । ସେଦାରାପୁ କାମି ତାଙ୍କ ପ୍ରତିଦ୍ୱନ୍ଦୀ ସୀମାଂଚଳ ଦୋରାଙ୍କ ଠାରୁ ୨୯୫ଟି ଭୋଟ ଅଧିକ ପାଇ ବିଜୟୀ ହୋଇଥିବା ଜଣାପଡିଛି । ବିବାଦୀୟ କୋଟିଆ ଅଂଚଳରେ ଆନ୍ଧ୍ରପ୍ରଦେଶ ଦ୍ୱାରା ୩ଟି ପଂଚାୟତ ଗଠିତ ହୋଇଥିବାବେଳେ ଓଡିଶାର ୫ ଓ ଆନ୍ଧ୍ର ଅଧୀନରେ ଥିବା ୨ଟି ଗାଁକୁ ନେଇ ଫାଟୁସିନେରୀ ପଂଚାୟତ ଗଠନ କରାଯାଇଛି । ଫାଟୁସିନେରୀ ପଂଚାୟତରେ ୫୪୦ ମହିଳାଙ୍କ ସମେତ ୧୦୨୫ଜଣ ଭୋଟର ଥିବାବେଳେ ଶନିବାର ଅନୁଷ୍ଠିତ ନିର୍ବାଚନରେ ୩୦୯ଜଣ ପୁରୁଷ ଓ ୩୦୬ଜଣ ମହିଳା ମତଦାନ କରିଥିଲେ ।
ସେଦାରାପୁ କାମି ହେଲେ ଫାଟୁସିନେରୀ ସରପଂଚ
