ନୂଆ ଦିଲ୍ଲୀ ୧୪-୧ (ଓଡ଼ିଆ ପୁଅ) ନୂଆ ଠକେଇ! ଭ୍ୟାକ୍ସିନ୍ ନାଁରେ ଚାଲିଛି ଠକେଇ। ଆପଣଙ୍କୁ ସାବଧାନ ରହିବାକୁ ପଡ଼ିବ।
କରୋନା ଟୀକାକରଣର ଏକ ବୁଷ୍ଟର ଡୋଜ୍ ନେବା ପାଇଁ ଆଫଣଙ୍କୁ କିଏ ସରକାରୀ କର୍ମଚାରୀ, କିମ୍ବା ଅଧିକାରୀ କହି ଫୋନ କରୁଛି କି? ଯଦି ହଁ, ତେବେ ହୋଇଯାଆନ୍ତୁ ସାବଧାନ। ଆପଣଙ୍କ ବ୍ୟାଙ୍କ ଆକାଉଣ୍ଟକୁ ସଫା ହୋଇଯାଇପାରେ।
ସୂଚନାଯୋଗ୍ୟଯେ, କୋଭିନ୍ – 19 ଭ୍ୟାକ୍ସିନ୍ ସାର୍ଟିଫିକେଟ୍ ରୁ ସୂଚନା ସଂଗ୍ରହ କରି ସାଇବର ଅପରାଧୀମାନେ ଏବେ ବୁଷ୍ଟର୍ ଡୋଜ ଦେବା ନାମରେ ଆପଣଙ୍କୁ କେବଳ ଠକିପାରନ୍ତି।
ଏ ନେଇ ମହାରାଷ୍ଟ୍ର ସାଇବର ସେଲ୍ କହିଛି ଯେ ଆଜିକାଲି ସାଇବର ଅପରାଧୀମାନେ ଏକ ନୂଆ ପଦ୍ଧତି ଗ୍ରହଣ କରିଛନ୍ତି। ସେମାନେ ଆପଣ ଅପଲୋଡ୍ କରିଥିବା ଟୀକାକରଣ ପ୍ରମାଣପତ୍ରକୁ ସୋସିଆଲ୍ ମିଡିଆରୁ ନେଇ ତା’ପରେ ଆପଣଙ୍କ ମୋବାଇଲ୍ ନମ୍ବର ବାହାର କରି ଆପଣଙ୍କୁ କଲ କରନ୍ତି। ଆପଣଙ୍କର ବିଶ୍ୱାସ ପାଇଁ, ସେମାନେ ଯେତେବେଳେ ଆପଣଙ୍କର ପ୍ରଥମ ଟୀକାକରଣ ନେଲେ, ଯେତେବେଳେ ଦ୍ୱିତୀୟ ଡୋଜ୍ ନେଲେ ସବୁ କହିବା ପରେ ଆପଣଙ୍କୁ ବର୍ତ୍ତମାନର ରେକର୍ଡ ଅନୁଯାୟୀ ବୁଷ୍ଟର୍ ଡୋଜ ନେବାକୁ ସମ୍ପୂର୍ଣ୍ଣ ଯୋଗ୍ୟ, ଯାହାର ପଞ୍ଜୀକରଣ କରାଯାଉଛି ସେଥିପାଇଁ ଆପଣଙ୍କ ପାଖକୁ ଏକ OTP ଆସିବ କହି ବୁଷ୍ଟର ଡୋଜ୍ ପଞ୍ଜିକରଣ ପାଇଁ OTP ସେୟାର କରନ୍ତୁ ବୋଲି କହିଥାନ୍ତି। ତେଣୁ ଏ କ୍ଷେତ୍ରରେ ଆପଣ ହୋଇଯାଆନ୍ତୁ ସାବଧାନ। ସାଇବର ଅପରାଧୀମାନେ ଆପଣଙ୍କୁ ଏକ ମେସେଜ୍ ପଠାଇବେ ଏବଂ ଯେତେ ଶୀଘ୍ର ଆପଣ ସେହି ମେସେଜ୍ ଖୋଲିବେ କିମ୍ବା ବୁଷ୍ଟର ଡୋଜ୍ ପଞ୍ଜୀକରଣ ପାଇଁ ଲିଙ୍କ୍ କୋଲିବେ ଏବଂ ସାଇବର ଅପରାଧୀମାନଙ୍କ ସହିତ OTP, ସେୟାର କରିବେ ସେହି ସମୟରେ ତୁରନ୍ତ ସେମାନେ ଆପଣଙ୍କ ଆକାଉଣ୍ଟରେ ପ୍ରବେଶ କରି କିଛି ମିନିଟରେ ଖାତା ଖାଲି ନେଇଯିବେ। ତେଣୁ ଯଦି ଆପଣ ଆପଣଙ୍କର ଟିକାକରଣ ପ୍ରମାଣପତ୍ର ସୋସିଆଳ ମିଡ଼ିଆରେ ସେୟାର କରିଛନ୍ତି ତେବେ ତୁରନ୍ତ ଏଥିପ୍ରତି ଧ୍ୟାନ ଦିଅନ୍ତୁ ଏବଂ ସାବଧାନ ରୁହନ୍ତୁ।
ମହାରାଷ୍ଟ୍ର ସାଇବର ସେଲ୍ ଅନୁଯାୟୀ, ସାଇବର ଅପରାଧୀଙ୍କ ଏହି ପଦ୍ଧତି ପ୍ରଭାବଶାଳୀ ପ୍ରମାଣିତ ହେଉଛି କାରଣ ଲୋକମାନେ ସେମାନଙ୍କର ବ୍ୟକ୍ତିଗତ ସୂଚନା ପ୍ରତି ଅସାବଧାନତା ଅବଲମ୍ବନ କରୁଛନ୍ତି। କରୋନା ଟିକା ପାଇବା ପରେ ଅନେକ ଲୋକ ଖୁସିରେ ସେମାନଙ୍କର ଟୀକାକରଣ ପ୍ରମାଣପତ୍ରର ଫଟୋ ନିଜ ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି। ଯେଉଁଥିରେ ମୋବାଇଲ୍ ନମ୍ବର ମଧ୍ୟ ଅନ୍ତର୍ଭୁକ୍ତ। ଏହା ସହିତ ଟୀକାକରଣ ବିଷୟରେ ସମ୍ପୂର୍ଣ୍ଣ ସୂଚନା ଦିଆଯାଇଛି। କେଉଁ ସାଇବର ଅପରାଧୀମାନେ ଏହାର ଫାଇଦା ନେଉଛନ୍ତି। ବୁଷ୍ଟର ଡୋଜ ସମ୍ବନ୍ଧରେ କୌଣସି କଲ୍ ପ୍ରତି ସାବଧାନ ରହିବାକୁ ପୋଲିସ ସମସ୍ତ ଲୋକଙ୍କୁ ନିବେଦନ କରିଛି।
