ନୂଆ ଦିଲ୍ଲୀ ୧-୨ (ଓଡ଼ିଆ ପୁଅ) ୨୦୨୧ ର ସାଧାରଣ ବଜେଟ୍ରେ ଶିକ୍ଷା କ୍ଷେତ୍ରରେ ଆସୁଛି ବଡ଼ ପରିବର୍ତ୍ତନ। ନୂଆ ଶିକ୍ଷା ନୀତି ସହିତ ଭାରତ ପରିବର୍ତ୍ତନର ନୂତନଧାରାରେ ନିଜକୁ ତାଳମିଳାଇବାପାଇଁ ଯାଉଛନ୍ତି। ତେଣୁ ଚଳିତ ବଜେଟରେ ଶିକ୍ଷା କ୍ଷେତ୍ର ପାଇଁ ମଧ୍ୟ ଲୋକମାନେ ବହୁତ ଆଶା ରଖିଛନ୍ତି। ଗତ ବର୍ଷ କରୋନା ଭୂତାଣୁ କାରଣରୁ ଶିକ୍ଷାନୁଷ୍ଠାନଗୁଡ଼ିକ ବନ୍ଦ ହେବା ସହିତ ଡିଜିଟାଲ ଶିକ୍ଷା ଏକ ନୂତନ ଦୀଗକୁ ମୁହାଁଇଥିଲା।
୨୦୨୦ ମସିହାରେ, ପ୍ରାୟ ସମସ୍ତ କ୍ଷେତ୍ର ଉପରେ କରୋନା ମହାମାରୀର ପ୍ରଭାବ ଦେଖିବାକୁ ମିଳିଛି। ତଥାପି, ସମସ୍ତ କ୍ଷେତ୍ରରେ ଧୀରେ ଧୀରେ ଉନ୍ନତି ହେଉଛି। ଚଳିତ ବର୍ଷର ସାଧାରଣ ବଜେଟରୁ ସମସ୍ତ କ୍ଷେତ୍ରର ଲୋକଙ୍କର ବହୁତ ଆଶା ଅଛି। ଏଥି ସହିତ, ଲୋକମାନେ ଶିକ୍ଷା କ୍ଷେତ୍ରରେ ମଧ୍ୟ ପରିବର୍ତ୍ତନ ଦେଖିବାକୁ ଚାହାଁନ୍ତି।
୨୦୨୧ ବର୍ଷ ଆରମ୍ଭ ହେବା ମାତ୍ରେ ଅନେକ ରାଜ୍ୟ ବିଦ୍ୟାଳୟ ଖୋଲିବା ଆରମ୍ଭ କରିଛନ୍ତି। ତଥାପି, ୨୦୨୦ ମସିହାରେ ଶିକ୍ଷା କ୍ଷେତ୍ରରେ କରୋନା ମହାମାରୀର ଏକ ବଡ଼ ପ୍ରଭାବ ଦେଖିବାକୁ ମିଳିଥିଲା। ଶିକ୍ଷାବିତ୍ମାନେ କହିଛନ୍ତି ଯେ ଏହି ସମୟରେ ଶିକ୍ଷା କ୍ଷେତ୍ରର ଅବସ୍ଥା ଅତ୍ୟନ୍ତ ଖରାପ ଅଟେ। ଏହି କ୍ଷେତ୍ର ପ୍ରତି ବିଶେଷ ଧ୍ୟାନ ଦେବାକୁ ସେମାନେ ସରକାରଙ୍କୁ ଦାବି କରିଛନ୍ତି।
ଉଚ୍ଚଶିକ୍ଷା କ୍ଷେତ୍ରରେ ପରିବର୍ତ୍ତନର ଆବଶ୍ୟକତା
ଉଚ୍ଚଶିକ୍ଷାକ୍ଷେତ୍ରରେ ଏହି ସମୟରେ ପରିବର୍ତ୍ତନ ଆବଶ୍ୟକ ପଡ଼ୁଛି। ଏହି କ୍ଷେତ୍ର ସହିତ ଜଡିତ ଲୋକମାନେ କହିଛନ୍ତି, “ଏହି କ୍ଷେତ୍ରର ସମସ୍ତ ସୁବିଧା ମଧ୍ୟ ହାଇ-ଟେକ୍ ହେବା ଆବଶ୍ୟକ, ଏଥିପାଇଁ ସରକାରଙ୍କୁ ଏକ ବଡ ପୁଞ୍ଜି ବିନିଯୋଗ କରିବାକୁ ପଡିବ। ଏହା ସହିତ ଏହି କ୍ଷେତ୍ରରେ ମଧ୍ୟ ଅଧିକ ଧ୍ୟାନ ଦିଆଯିବା ଉଚିତ୍। ଅଧିକରୁ ଅଧିକ ବିଶ୍ୱବିଦ୍ୟାଳୟର ନିର୍ମାଣ କାର୍ଯ୍ୟ କରିବାକୁ ପଡିବ ଏବଂ ଭିତ୍ତିଭୂମିରେ ଯୋଗ କରିବାକୁ ପଡିବ। ଅଧ୍ୟୟନର ସ୍ତରକୁ ଆହୁରି ବଢ଼ାଇବାକୁ ମଧ୍ୟ ଆବଶ୍ୟକତା ଅଛି।
