ହାଟଡିହି- ୧୭ / ୧୧ : (ଓଡିଆପୁଅ / ବିକାଶ ବିଶ୍ୱାଳ) ସମ୍ବାଦ ସାହିତ୍ୟ ଘର ହାଟଡିହିର ବାର୍ଷିକ ଉତ୍ସବ ଆସନ୍ତା ନଭେମ୍ବର ୨୨ତାରିଖରେ ଅନୁଷ୍ଠିତ ହେବ । ଶାସଙ୍ଗ ହାଇସ୍କୁଲ ପରିସରରେ କୋଭିଡ-୧୯ କଟକଣାକୁ ଦୃଷ୍ଟିରେ ରଖି ସ୍ୱଳ୍ପ ସଂଖ୍ୟକ ସଦସ୍ୟ ସଦସ୍ୟାଙ୍କୁ ନେଇ ସକାଳ ୯ଘଟିକାରୁ ଏହି ବାର୍ଷିକ ଉତ୍ସବ ଅନୁଷ୍ଠିତ ହେବାକୁ ଥିବାବେଳେ ଏଥିରେ ସମ୍ବାଦ ସାହିତ୍ୟଘରର ରାଜ୍ୟ ସଂଯୋଜିକା ଡ. ଶୁଭଶ୍ରୀ ଲେଙ୍କା, ଭଦ୍ରକ ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ କବି ମଧୁସୁଦନ ଦାସ, ଓଡିଶା ସାହିତ୍ୟ ଏକାଡେମୀର ସଦସ୍ୟ ପିନାକୀ ମିଶ୍ର, ହାଟଡିହି ବ୍ଲକ ଅଧ୍ୟକ୍ଷା ସଞ୍ଜୁଲତା ବିଶ୍ୱାଳ, ହାଟଡିହି ସରପଞ୍ଚ ଅନୁସୁୟା ସେଠୀ ପ୍ରମୁଖ ଅତିଥି ଭାବରେ ଯୋଗଦେଉ ଥିବାବେଳେ ସାହିତ୍ୟଘରର ମୁଖପତ୍ର ପ୍ରୟାସୀ ଉନ୍ମୋଚିତ ହେବାର କାର୍ଯ୍ୟକ୍ରମ ରହିଛି । ଏହି କାର୍ଯ୍ୟକ୍ରମରେ କବି ଚିତ୍ତରଞ୍ଜନ ନାୟକ ସମାଜସେବୀ ସୁରେଶ୍ୱରୀ ସାଗରୀକା ଜେନା ଓ ହାଟଡିହି ବ୍ଲକର ମାଟ୍ରିକ ଟପର ଭାବେ ସଞ୍ଜିବନୀ ନାୟକଙ୍କୁ ସମ୍ବର୍ଦ୍ଧିତ କରାଯିବା ସହ କବିତା ପାଠର କାର୍ଯ୍ୟକ୍ରମ ରହିଛି ।
