ବିଜେପୁର,୨୧/୧୦,(ଓଡ଼ିଆ ପୁଅ ପି ନାୟକ): ବିଜେପୁରରେ ଆଜି ସକାଳ ୭ଟାରୁ ଆରମ୍ଭ ହୋଇସାରିଛି ମତଦାନ। ତେବେ ସକାଳ ୭ଟାରୁ ଆରମ୍ଭ ହୋଇଥିବା ମତଦାନ ସକାଳ ୯ଟା ସୁଦ୍ଧା ୧୧ ପ୍ରତିଶତ ହୋଇଥିବା ସୂଚନା ମିଳିଛି । ଅନ୍ୟପଟେ କଂଗ୍ରେସ ପ୍ରାର୍ଥୀ ଦିଲ୍ଲିପ ପଣ୍ଡା ନିଜର ଭୋଟ ପକେଇ କରିସାରିଥିବା ବେଳେ ଓ ବିଜେଡି ପ୍ରାର୍ଥୀ ରୀତା ସାହୁ ମଧ୍ୟ ନିଜର ଭୋଟ୍ କାଷ୍ଟିଂ କରି ସାରିଛନ୍ତି ।ଉଲ୍ଲେଖଯୋଗ୍ୟ ଯେ, ଅପରାହ୍ନ ୫ଟା ପର୍ଯ୍ୟନ୍ତ ମତଦାନ ଚାଲିବ । ମୋଟ ୫ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୨ଲକ୍ଷ ୩୨ ହଜାର ୨୬୪ ପଞ୍ଜିକୃତ ଭୋଟର । ମୋଟ ୨୮୫ ବୁଥ୍ରେ ଭୋଟ ଗ୍ରହଣ ଚାଲିଥିବା ବେଳେ ବିଜେପୁରରେ ଏଥର ୧୧ଟି ଆଦର୍ଶ ବୁଥ କରାଯାଇଛି । ୧୩୫ଟି ସମ୍ବେଦନଶୀଳ ବୁଥ୍ରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି ।
