ଭଦ୍ରକ, ୧୫ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ସଂପ୍ରତି ବିଶ୍ୱକୁ କବଳିତ କରିଥିବା ମହାମାରୀ କରୋନାରୁ ରକ୍ଷା ପାଇବା ପାଇଁ ମାସ୍କ ଏବଂ ସାନିଟାଇଜର ମହୌଷଧି ହୋଇଥିବାରୁ ଏଥିଲାଗି ବିଭିନ୍ନ ସଂସ୍ଥା, ସଂଗଠନମାନେ ମାସ୍କ ଏବଂ ସାନିଟାଇଜର ଯୋଗାଇ କରୋନାକୁ ଦୂର କରିବାରେ ପ୍ରୟାସ ଜାରି ରଖିଛନ୍ତି । ଏହି ଯୁଦ୍ଧରେ ହିରୋ ମୋଟୋକର୍ପ ସାମିଲ ହୋଇ ମାସ୍କ ଏବଂ ସାନିଟାଇଜର ଯୋଗାଇବା କାର୍ଯ୍ୟ ବିଭିନ୍ନ ପ୍ରାନ୍ତରେ କରୁଛି । ଆଜି ହିରୋ ମୋଟୋକର୍ପ ପକ୍ଷରୁ ଭଦ୍ରକ ହିରୋ ଶୋ’ରୁମ୍ ସଂଜିବ ହିରୋ ମାଧ୍ୟମରେ ଭଦ୍ରକ ଜିଲ୍ଲା ପ୍ରଶାସନକୁ ୫ହଜାର ମାସ୍କ ଓ ୭୩ କାର୍ଟୁନ ସାନିଟାଇଜର ପ୍ରଦାନ କରିଛି । ସଂଜୀବ ହିରୋ ମୁଖ୍ୟ ତଥା ଭଦ୍ରକ ବିଧାୟକ ସଂଜୀବ କୁମାର ମଲ୍ଲିକ ଆଜି ମାସ୍କ ଓ ସାନିଟାଇଜର ଜିଲ୍ଲା ପ୍ରଶାସନ ପକ୍ଷରୁ ଅତିରିକ୍ତ ଜିଲ୍ଲାପାଳ(ସାଧାରଣ) ଶ୍ୟାମଭକ୍ତ ମିଶ୍ରଙ୍କୁ ପ୍ରଦାନ କରିଛନ୍ତି । ଏହା ଜିଲ୍ଲାର ସମସ୍ତ ପ୍ରଶାସନିକ ଅଧିକାରୀ, କର୍ମଚାରୀଙ୍କୁ ପ୍ରଦାନ କରାଯିବ ବୋଲି ସୂଚନା ମିଳିଛି ।
