ବାହାନଗା,୨୩ା୧(ଭାରତୀ ଦାସ / ଓଡ଼ିଆ ପୁଅ) : ବାଲେଶ୍ୱର ଜିଲ୍ଲା ଶେରଗଡ଼ ଟୋଲ ପ୍ଲାଜାରେ ଭୋଳନାଥ ରାଜପୁତ ସୁଖଲା କମ୍ପାନୀ ଆନୁକୂଲ୍ୟରେ ସଡ଼କ ସୁରକ୍ଷା ମାସ ପାଳନ ଅବସରରେ ମାଗଣା ସ୍ୱାସ୍ଥ୍ୟ ଓ ଚକ୍ଷୁ ପରୀକ୍ଷା ଶିବିର ଅନୁଷ୍ଠିତ ହୋଇ ଯାଇଛି । ବାଲେଶ୍ୱର ଆଞ୍ଚଳିକ ପରିବହନ ଅଧିକାରୀ (ଆରଟିଓ) ରଶ୍ମିରଞ୍ଜିତ ଦଳବେହେରା ଯୋଗ ଦେଇଥିଲେ । କାର୍ଯ୍ୟକ୍ରମରେ ଟୋଲ ପ୍ଲାଜାର ପରିଚାଳକ ଅନିଲ କୁମାର ପଣ୍ଡା , ଏନଏଚ ଅଫିସର ଦୀପ୍ତିରଞ୍ଜନ ବେହେରା, କୃଷ୍ଣଚନ୍ଦ୍ର ନାୟକ ପଞ୍ଚାନନ ବେହେରା ମଧ୍ୟ ଉପସ୍ଥିତ ରହିଥିଲେ । ଜିଲ୍ଲା ସଦର ହସପିଟାଲର ବିଭିନ୍ନ ବିଶେଷଜ୍ଞ ମାନେ ଯୋଗ ଦେଇ ସ୍ୱାସ୍ଥ୍ୟ ପରୀକ୍ଷା ଓ ଚକ୍ଷୁ ପରୀକ୍ଷା କରିଥିଲେ । ଏହି ଶିବିରରେ ସଡ଼କ ସୁରକ୍ଷା ମାସ ପାଇଁ ସଚେତନତାର ବାର୍ତ୍ତା ମଧ୍ୟ ଦେଇଥିଲେ । ଅଞ୍ଚଳରୁ ମଧ୍ୟ ବହୁ ରୋଗୀ ଆସି ପରାମର୍ଶ ନେବା ସହ ମାଗଣାରେ ଦିଆ ଯାଉଥିବା ଔଷଧ ମଧ୍ୟ ନେଇଥିଲେ । ତା ସହ ଅଞ୍ଚ ବାସୀ ଏହି କାର୍ଯ୍ୟକ୍ରମ ପାଇଁ କୃତଜ୍ଞତା ଜଣାଇ ଥିବାର ଜଣାପଡ଼ିଛି ।
