ନୂଆଦିଲ୍ଲୀ ୨୦-୧୦ (ଓଡ଼ିଆ ପୁଅ) ୟୁଏଇରେ ହେବାକୁ ଥିବା ବିଶ୍ୱକପ ପରେ ବିରାଟ କୋହଲି ଟି -୨୦ ଇଣ୍ଟରନ୍ୟାସନାଲ (ଆଇସିସି ଟି -୨୦ ବିଶ୍ୱକପ ୨୦୨୧) ରୁ ଭାରତର ଅଧିନାୟକ ପଦରୁ ଇସ୍ତଫା ଦେବେ। ତେବେ ବିସିସିଆଇ ଏପର୍ଯ୍ୟନ୍ତ ଆନୁଷ୍ଠାନିକ ଭାବେ ପରବର୍ତ୍ତୀ ଭାରତୀୟ ଅଧିନାୟକ ଘୋଷଣା କରିନାହିଁ। କିନ୍ତୁ ଗଣମାଧ୍ୟମ ରିପୋର୍ଟ ଅନୁଯାୟୀ, ଭାରତ ଜାତୀୟ କ୍ରିକେଟ୍ ଦଳର ବର୍ତ୍ତମାନର ହ୍ୱାଇଟ୍ ବଲ୍ ଉପ-ଅଧିନାୟକ ରୋହିତ ଶର୍ମା ଆଇସିସି ପୁରୁଷ ଟି -୨୦ ବିଶ୍ୱକପ୍ ୨୦୨୧ ପରେ ପରବର୍ତ୍ତୀ ଟି -୨୦ ଅଧିନାୟକ ହେବେ। ବିରାଟ କୋହଲି ଗତ ମାସରେ ଘୋଷଣା କରିଥିଲେ ଯେ, ସେ ଆଗାମୀ ଟି-୨୦ ବିଶ୍ୱକପ ୨୦୨୧ ପରେ ଟି -୨୦ ଆନ୍ତର୍ଜାତୀୟ ଫର୍ମାଟରେ ଅଧିନାୟକ ପଦରୁ ଇସ୍ତଫା ଦେବେ। ସେବେଠାରୁ ରୋହିତ ଶର୍ମା ପରବର୍ତ୍ତୀ ଟି -୨୦ ଅଧିନାୟକ ହେବା ନେଇ କ୍ରମାଗତ କଳ୍ପନାଜଳ୍ପନା ଚାଲିଥିଲା।
ଇନସାଇଡ୍ ସ୍ପୋର୍ଟସ ଅନୁଯାୟୀ, ରୋହିତ ଶର୍ମା ଭାରତର ପରବର୍ତ୍ତୀ ଟି -୨୦ ଅଧିନାୟକ ହେବେ ବୋଲି ବିସିସିଆଇ ସୂତ୍ର ନିଶ୍ଚିତ କରିଛି। ବିସିସିଆଇର ଏକ ସୂତ୍ରରୁ ପ୍ରକାଶ, “କିଏ ଏହି ପଦ ଗ୍ରହଣ କରିବାକୁ ଯାଉଛି ତାହା ରହସ୍ୟ ନୁହେଁ। ରୋହିତ ଶର୍ମା ନେତୃତ୍ୱ ଗୋଷ୍ଠୀରେ ଅଛନ୍ତି ଏବଂ ଟି -୨୦ ବିଶ୍ୱକପ ପରେ ସେ ବିରାଟଙ୍କଠାରୁ ଦାୟିତ୍ୱ ଗ୍ରହଣ କରିବେ। କାର୍ଯ୍ୟଭାର କାରଣରୁ ଟି -୨୦ ବିଶ୍ୱକପ ପରେ ସେ ଭାରତର ଟି -୨୦ ଅନ୍ତର୍ଜାତୀୟ ଅଧିନାୟକ ପଦରୁ ଇସ୍ତଫା ଦେବେ ବୋଲି ବିରାଟ କୋହଲି କହିଛନ୍ତି।
ମହେନ୍ଦ୍ର ସିଂ ଧୋନି ୨୦୧୪ ରେ ଟେଷ୍ଟ ଅଧିନାୟକ ପଦରୁ ଇସ୍ତଫା ଦେବା ଏବଂ କୋହଲିଙ୍କୁ ଦାୟୀତ୍ତ୍ୱ ହସ୍ତାନ୍ତର କରିବା ପରେ ଭାରତ ପ୍ରଥମ ଥର ପାଇଁ ଏକ ବିଭାଜିତ ଅଧିନାୟକତ୍ୱକୁ ଫେରିବ।
ବିରାଟ କୋହଲି ୨୦୧୭ ରେ ଟି -୨୦ ଅନ୍ତର୍ଜାତୀୟ ଅଧିନାୟକ ଭାବରେ ଦାୟିତ୍ତ୍ୱ ଗ୍ରହଣ କରିଥିଲେ। ସେବେଠାରୁ କୋହଲି ୪୫ ଟି -୨୦ ଅନ୍ତର୍ଜାତୀୟରେ ଭାରତର ନେତୃତ୍ୱ ନେଇଛନ୍ତି। ତାଙ୍କ ଅଧିନାୟକତ୍ୱରେ ଭାରତ ୬୫.୧୧ ର ବିଜୟ ପ୍ରତିଶତ ସହିତ ୨୭ ଟି ମ୍ୟାଚ୍ ଜିତିଛି।
