ଭଦ୍ରକ, ୩ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଆଗରପଡ଼ା ମହାବିଦ୍ୟାଲୟ ଯୁକ୍ତ ୩ ରସାୟନ ବିଭାଗ ପକ୍ଷରୁ ନବାଗତ ଛାତ୍ରଛାତ୍ରୀଙ୍କ ଉଦେଶ୍ୟରେ ସ୍ୱାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ନାରାୟଣ ଚନ୍ଦ୍ର ପାତ୍ର ଆୟୋଜିତ ସଭାକୁ ସଭାପତିତ୍ତ୍ୱ କରିଥିଲେ । ଏଥିରେ ମୁଖ୍ୟ ସହାୟକ ବିଜୟ କୁମାର ଦାସ, ଅଧ୍ୟାପକ ନାରାୟଣ ଚନ୍ଦ୍ର ପୁରୀ ଅତିଥି ଭାବେ ଯୋଗଦେଇ ନବାଗତ ଛାତ୍ରଛାତ୍ରୀଙ୍କୁ ବିଦ୍ୟାଳୟର ପରିବେଶ ସହ ଜଡ଼ିତ ରହି ଶିକ୍ଷା ଗ୍ରହଣ କରି ଭବିଷ୍ୟତରେ ବଡ଼ ମଣିଷ ହେବାକୁ ପରାମର୍ଶ ଦେଇଥିଲେ । ବିଭାଗୀୟ ମୁଖ୍ୟ ହେମନ୍ତ କୁମାର ଓଝା, ଅଧ୍ୟାପକ ପ୍ରଶାନ୍ତ କୁମାର ନାୟକ, ଦେବାଶିଷ ବାରିକ, ରଞ୍ଜିତା ମହାପାତ୍ର, ମହେଶ୍ୱର ମଲ୍ଲିକ, ପ୍ରଣତି ମହାନ୍ତି ପ୍ରମୁଖ ସଭାରେ ଉପସ୍ଥିତ ରହି ଛାତ୍ରଛାତ୍ରୀଙ୍କ ଉଦେଶ୍ୟରେ ଶିକ୍ଷଣୀୟ ଅଭିଭାଷଣ ରଖି ମୁଲ୍ୟବାନ ସମୟର ଉପଯୋଗ କରିବାକୁ କହିଥିଲେ । ଛାତ୍ର ବିଶ୍ୱଜିତ ବେହେରା, ସୌମ୍ୟରଞ୍ଜନ ମହାନ୍ତି, ରୁଦ୍ରନାରାୟଣ, ଯଶ୍ମିନ୍ ସାହୁ, ଭାଗ୍ୟଲିପି ରାଉତ ପ୍ରାରମ୍ଭରେ ସ୍ୱାଗତ ନୃତ୍ୟ ପରିବେଷଣ କରିଥିଲେ । କାର୍ଯ୍ୟକ୍ରମରେ ବିଜ୍ଞାନ ବିଭାଗର ଅଧ୍ୟାପକ ଅଧ୍ୟାପିକା ଉପସ୍ଥିତ ରହି ସହଯୋଗ କରିଥିଲେ ।
