ନୟାଗଡ(ଓଡିଆ ପୁଅ/ଦେବୀପ୍ରସାଦ ଆଚାର୍ଯ୍ୟ)/୦୪/୦୪-ନୟାଗଡ ଜିଲ୍ଲା ରଣପୁରରେ ହୋମ୍ କ୍ୱାରାଣ୍ଟାଇନ୍ ଓ କ୍ୱାରାଣ୍ଟାଇନ୍ ହଲରେ ୨୦ରୁ ଉର୍ଦ୍ଧ୍ୱ ବାହାର ଜିଲ୍ଲାରୁ ଆସିଥିବା ବ୍ୟକ୍ତିଙ୍କୁ ରଖାଯାଇଥିବା ଜଣା ପଡିଛି । ବ୍ରଜରାଜପୁର ପଂଚାୟତର ଜନୈକି ବ୍ୟକ୍ତି କଟକ ମ୍ୟୁନିସିପାଲଟି ଅଫିସ୍ ରେ ଚାକିରୀ କରିଥିବା ବେଳେ ଏପ୍ରିଲ୍ ୩ତାରିଖ ରାତ୍ରିରେ ଆସି ଘରେ ଲୁଚି ରହିଥିଲେ । ରଣପୁର କୋଭିଡ୍-୧୯ ର ନୋଡାଲ ଅଫିସର୍ ତଥା ସ୍ଥାନୀୟ ତହସିଲ୍ଦାର ସଂଜୟ କୁମାର ସାମନ୍ତରାୟ ଓ ରଣପୁର ଥାନା ଇନିସ୍ପେକ୍ଟର ରଶ୍ମିଂରଜନ ଦାଶ ତାଙ୍କୁ ଘରୁ ଉଠାଇ ଆଣି ବ୍ରଜରାଜପୁରସ୍ଥିତ କ୍ୱାରାଣ୍ଟାଇନ୍ ହଲରେ ରଖିଥିଲେ । ୨ଘଣ୍ଟା ରଖିବା ପରେ ସେ ହୃଦ୍ ରୋଗରେ ପିଡୀତ ଥିବାରୁ ତାଙ୍କୁ ଆଇସୋଲେସନ୍ କେନ୍ଦ୍ରରୁ ନିଜ ଘର ହୋମ୍ ଆଇସୋଲେସନ୍ କେନ୍ଦ୍ରକୁ ପଠାଇ ଦିଆଯାଇଥିବା ଜଣା ପଡିଛି ।
ରଣପୁର ଟାଉନ୍ ରେ ଯିବା ଆସିବା ସମ୍ପୁର୍ଣ୍ଣ ରୁପେ ଠପ୍ ହୋଇଯାଇଛି । କେବଳ ୧୦ଟାରୁ ୪ଟା ସମୟରେ ପରିବା ପତ୍ର, ଦୋକାନ ସଉଦା ଓ ଡାକ୍ତରଖାନାକୁ ଆସୁଥିବା ୧୦ଭାଗ ଲୋକଙ୍କର ଯିବା ଆସିବା ଦେଖିବାକୁ ମିଳିଛି । ପ୍ରଶାସନ ଓ ପୋଲିସ୍ ପ୍ରଶାସନ ଲକ୍ଡାଉନ୍ କୁ ସଫଳ କରିବା ପାଇଁ ଆପ୍ରାଣ ଉଦ୍ୟମ ଚାଳାଇଥିବା ଜଣା ପଡିଛି । ରଣପୁର ପ୍ରଶାସନର ନିୟନ୍ତ୍ରଣରେ ରହିଅଛି ।
