ଭଦ୍ରକ, ୨୮ା୧୦ (ଓଡିଆ ପୁଅ / ସ୍ନିଗ୍ଧା ରାୟ)- ଭଦ୍ରକ ଜିଲା ବନ୍ତ ଥାନା ଅଧୀନ ପଧାନପଡ଼ା ପଞ୍ଚାୟତ ମାହାଲ ସାହିର ଜଣେ ମହିଳାଙ୍କ ମୃତ ଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି । ସୂଚନା ମୂଳେ ଯାଜପୁର ଜିଲ୍ଲା କୋରେଇ ଥାନା ବାରାହା ଗ୍ରାମର ସ୍ୱର୍ଗତ ଅଇଁଠୁ ଦାସଙ୍କ ଝିଅ ଉର୍ମିଳା ଦାସ ମାହାଲ ସାହିର ଅପର୍ତ୍ତି ବାରିକଙ୍କ ପୁଅ ଗୌତମଙ୍କୁ ୨୦୧୯ ମସିହାରେ ବୈଦିକରୀତିରେ ବିବାହ କରିଥିଲେ । ବିବାହ ପରଠାରୁ ଗୌତମଙ୍କ ପରିବାରର ସଦସ୍ୟମାନେ ଅଧିକ ଯୌତୁକ ଦାବୀ କରି ଉର୍ମିଳାଙ୍କୁ ବାରମ୍ବାର ଶାରୀରିକ ମାନସିକ ନିର୍ଯ୍ୟାତନା ଦେଇ ଆସୁଥିଲେ । ଗତକାଲି ରାତ୍ରରେ ମହିଳାଙ୍କୁ ହତ୍ୟା କରାଯାଇ ଯୋଜନାବଦ୍ଧ ଭାବେ ଏକ ଆମ୍ବଗଛରେ ଝୁଲାଇ ଦିଆଯାଇଥିବାର ବାପଘର ପକ୍ଷରୁ ଅଭିଯୋଗ ରେ ଦର୍ଶାଯାଇଛି । ଘଟଣାସ୍ଥଳରେ ଅନୁସନ୍ଧାନୀକାରୀ ଦଳ ପହଞ୍ଚି ଛାନଭିନ କରିଥିବା ବେଳେ ପୋଲିସ ଶବ ଜବତ କରି ବ୍ୟବଚ୍ଛେଦ ନିମନ୍ତେ ଭଦ୍ରକ ପଠାଇବା ସହିତ ଏକ ମାମଲା ରୁଜ୍ଜୁ କରି ଅଭିଯୁକ୍ତ ଗୌତମକୁ ଗିରଫ କରିଛି । ଉପରୋକ୍ତ ଘଟଣା ନେଇ ପୋଲିସ ପକ୍ଷରୁ ଅଧିକ ତଦନ୍ତ ଜାରୀ ରହିଛି ।
