ଭଦ୍ରକ, ୨୦ା୫ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଏହି ଜିଲାର ଭଣ୍ଡାରିପୋଖରୀ ଥାନା ଅନ୍ତର୍ଗତ ବାଳିପୋଖରୀ ପଞ୍ଚାୟତ ଅନ୍ତର୍ଗତ କୋରକୋରା ଗ୍ରାମର ଦୁର୍ଯ୍ୟୋଧନ ମହାଳିକ ଓ ନିରଞ୍ଜନ ମହାଳିକ କୈଳାସ ଚନ୍ଦ୍ର ବେହେରାଙ୍କ ଘରବାଡି ବାଡକୁ ଅକାରଣରେ ଗତ ଆଠ ତାରିଖରେ ଓପାଡି ଦେଇଥିବା ଅଭିଯୋଗ ହୋଇଛି । କୈଳାସଙ୍କ ୩୫ନଂ ସ୍ଥିତିବାନ ପ୍ଲଟରେ ଥିବା ବାଡ ବହୁ ବର୍ଷ ଧରି ବୁଝାଯାଇ ଆସୁଥିଲା । ଘରେ କୈଳାସଙ୍କ ଅନୁପସ୍ଥିତିରେ କୈଣସି କାରଣ ନଥାଇ ଅସାମାଜିକ ବ୍ୟକ୍ତିଙ୍କ ଏହି କାର୍ଯ୍ୟକୁ ପତ୍ନୀ ମିନତୀ ପ୍ରତିବାଦ କରିଥିଲେ । ମାତ୍ର ସଂପୃକ୍ତ ବ୍ୟକ୍ତିମାନେ ମିନତୀକୁ ଧକ୍କାମାରି ତଳେ ପକାଇ ଦେଇଥିଲେ । ଏ ସମ୍ପର୍କରେ ମିନତୀ ଗତ ଆଠ ତାରିଖରେ ଥାନାରେ ଅଭିଯୋଗ କରିଥିଲେ । ଇତି ମଧ୍ୟରେ ବାର ଦିନ ବିତିଯାଇଛି । ଥାନାକୁ ବାରମ୍ବାର ଦୌଡିବା ସତ୍ତ୍ୱେ ପୁଲିସ ଘଟଣା ସ୍ଥଳକୁ ଆସୁନଥିବା ଓ କାର୍ଯ୍ୟାନୁଷ୍ଠାନ ଗ୍ରହଣ କରୁନଥିବାରୁ ଅଭିଯୋଗକାରୀ ଭୟଭୀତ ଅବସ୍ତାରେ ରହିଛନ୍ତି ବୋଲି ପ୍ରକାଶ କରିଛନ୍ତି । ଲକଡାଉନ ଥିବାରୁ ଏ ସମ୍ପର୍କରେ ଅନଲାଇନରେ ଜିଲ୍ଲା ପୁଲିସ ଅଧିକ୍ଷକଙ୍କ ନିକଟରେ ଅଭିଯୋଗ କରାଯାଇଛି । ଏ ସମ୍ପର୍କରେ ମତାମତ ପାଇଁ ଥାନାଧିକାରୀଙ୍କ ସହ ବାରମ୍ବାର ଫୋନରେ ଯୋଗଯୋଗ କରାଯାଇଥିଲେ ବି ଉତ୍ତର ମିଳିନଥିଲା ।
