ମୁରିବାହାଲ ୧୬/୦୮ (ଓଡ଼ିଆ ପୁଅ/ସନ୍ତୋଷ ନାୟକ) : ମୁରିବାହାଲ ଥାନାରେ ନୂତନ କରି ସବ ଇନ୍ସପେକ୍ଟର ଅଭୟ ପଧାନ ଯୋଗଦାନ କରିଛନ୍ତି। ପୂର୍ବରୁ ଶ୍ରୀ ପଧାନ ନବରଙ୍ଗପୁର ଥାନାରେ କାର୍ଯ୍ୟରତ ଥିଲେ।
ମୁରିବାହାଲ ଥାନାରେ ସରୋଜ ରଞ୍ଜନ ରଥ ଏକ ୨୦୧୯ ପୁରୁଣା ଦୁଷ୍କର୍ମ ଉଦ୍ୟମ ମାମଲାକୁ ଦୁର୍ବଳ ତଥା ରଫାଦଫା କରିବାପାଇଁ ମୁରିବାହାଲ ଥାନା ଗୁଡିଘାଟ ଖରବାହାଲି ଗ୍ରାମର ସଂଜୀବ ପଧାନଙ୍କ ଠାରୁ ତା ୨୮ /୦୭ /୨୦୨୦ରେ ୧୦ହଜାର ଟଙ୍କା ନେବା ସମୟରେ ଭିଜିଲାନ୍ସ ହାବୁଡରେ ପଡ଼ିଥିଲେ। ଏହି ପୋଷ୍ଟ ଖାଲିପଡିଥିଲା। ଗଣମାଧ୍ୟମ ପ୍ରତିନିଧି ସାକ୍ଷାତ କରିଥିବା ସମୟରେ ଶ୍ରୀ ପଧାନ ଲୋକଙ୍କ ସମସ୍ୟା, କ୍ରାଇମ କେମିତି କମ ହେବ, ଲୋକ କେମିତି ସୁବିଧାରେ ନ୍ୟାୟ ପାଇପାରିବେ ଚେଷ୍ଟା କରିବି ଓ ଲୋକ ଯେମିତି ପୋଲିସକୁ ନ ଡରି ଆରାମରେ ଅଭିଯୋଗ କରିପାରିବେ, ପୋଲିସକୁ ବିଶ୍ୱାସ କରିବେ ସେଥିପାଇଁ ମଧ୍ୟ ଚେଷ୍ଟା କରିବି ବୋଲି ପ୍ରକାଶ କରିଥିଲେ।
