ନୂଆଦିଲ୍ଲୀ: ମହାମାରୀ କରୋନା ଭାଇରସ୍ ଆତଙ୍କରେ ସାରା ବିଶ୍ଵ ଆଜି ଆତଙ୍କିତ। ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ବଢ଼ି ଚାଲିଛି। ଏ’ ପର୍ଯ୍ୟନ୍ତ କରୋନା ଭାଇରସ୍ ଉପଚାର ପାଇଁ କୌଣସି ଭ୍ୟାକ୍ସିନ୍ କିମ୍ବା ଟୀକା ବାହାରିପାରି ନାହିଁ। ଏ’ ଭିତରେ ଭାରତରେ ପ୍ରସ୍ତୁତ ମ୍ୟାଲେରିଆ ମେଡିସିନ ହାଇଡ୍ରୋକ୍ସି କ୍ଲୋରୋକ୍ୱାଇନର ଡିମାଣ୍ଡ କାହିଁ କେତେ ବଢ଼ିଯାଇଛି। କିଛି ପ୍ରାଥମିକ ଫଳାଫଳକୁ ଆଧାର କରି କରୋନା ଭୁତାଣୁ ଚିକିତ୍ସା ପାଇଁ ହାଇଡ୍ରୋକ୍ସି କ୍ଲୋରୋକ୍ୱାଇନ୍ ମେଡିସିନ୍ ବ୍ୟବହାର ଉପରେ ଗୁରୁତ୍ୱାରୋପ କରି ଆମେରିକା ସମେତ ଅନେକ ଦେଶ ଭାରତରୁ ଏହି ମେଡିସିନ ପାଇବା ପାଇଁ ଆଗ୍ରହ କରୁଛନ୍ତି। ଏହି ମେଡିସିନ ଦଶନ୍ଧି ଧରି ମ୍ୟାଲେରିଆ ଚିକିତ୍ସା ପାଇଁ ବ୍ୟବହୃତ ହୋଇଆସୁଛି। ଆମେରିକା ରାଷ୍ଟ୍ରପତି ଟ୍ରମ୍ପଙ୍କ କହିବାନୁସାରେ ଏହି ମେଡିସିନର ସକାରାତ୍ମକ ଫଳାଫଳ ରହିଛି। ଯଦି ଏହା ସଫଳ ହୁଏ ତେବେ ଏହା ସ୍ୱର୍ଗରୁ ଆସିଥିବା ଉପହାର ପରି ହେବ। କରୋନା ଜୀବାଣୁ ଚିକିତ୍ସାରେ ଏହା ଏକ ସଫଳ ମେଡିସିନ ହେବାର ଆଶା ରଖିଛି ଆମେରିକା।
/-ଦେବଦତ୍ତ ରଥ
