ଭଦ୍ରକ, ୩୧ା୩ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ପୁରୁଣାବଜାର ପୁଲିସ୍ ମୋବାଇଲ୍ ଫୋନ୍ ଚୋରି ଅଭିଯୋଗରେ ଜଣେ ଅଭିଯୁକ୍ତକୁ ଗିରଫ କରିଥିବାର ଜଣାପଡିଛି । ପ୍ରାପ୍ତ ସୂଚନା ଅନୁସାରେ ମୋବାଇଲ୍ ଚୋରି ଭଦ୍ରକରେ ବାରମ୍ବାର ହୋଇଆସୁଥିବାବେଳେ ଏ ସଂପର୍କରେ ବିଭିନ୍ନ ଥାନାରେ ମୋବାଇଲ୍ ମାଲିକଙ୍କ ପକ୍ଷରୁ ଅଭିଯୋଗ ଦିଆଯାଇଥିଲା । ଏହି ଅଭିଯୋଗକୁ ଭିତ୍ତିକରି ଥାନା ପୁଲିସ୍ ପକ୍ଷରୁ ଚାରିଆଡେ ଚଢାଉ କରାଯାଉଥିବା ଅବସ୍ଥାରେ ଆଜି ପୁରୁଣାବଜାର ଥାନା ଅଧୀନସ୍ଥ ମୀରାମହଲା ଗ୍ରାମର ସେକ୍ ଅବଦୁଲ ରହେମାନଙ୍କ ପୁତ୍ର ସେକ୍ ମହିଉଦ୍ଦିନ୍କୁ ପୁଲିସ୍ ଗିରଫ କରିବା ସହ ତା ନିକଟରୁ ୨ ଟି ଚୋରି ମୋବାଇଲ୍ ଉଦ୍ଧାର କରିଛି । ଏହି ଘଟଣାରେ ଥାନା ପକ୍ଷରୁ ଏକ ମାମଲା ୧୧୫/୨୧ ନଂ ଓ ଦଫା ୪୫୨ / ୩୮୦ ରୁଜୁ କରାଯାଇ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବାର ଜଣାପଡିଛି ।
