ଭଦ୍ରକ, ୨ା୮ (ଓଡ଼ିଆ ପୁଅ / ସ୍ନିଗ୍ଧା ରାୟ) – ବଜ୍ରାଘାତରେ ଜଣେ ଚାଷୀଙ୍କ ମୃତ୍ୟୁ ହୋଇଛି। ମୃତକ ଭଦ୍ରକ ଜିଲା ଚାନ୍ଦବାଲି ବ୍ଲକ୍ ମୌସୁଧା ପଂଚାୟତ ଅଧୀନ ଗଉଡୁଣୀପୋଖରୀ ଗାଁର ବସନ୍ତ ରାଉତ ବୋଲି ଜଣାପଡିଛି। ବସନ୍ତ ବିଲରେ ଚାଷ କାମ କରୁଥିବାବେଳେ ବଜ୍ରାଘାତର ଶୀକାର ହୋଇଥିଲେ। ପାଖରେ ଚାଷ କାର୍ଯ୍ୟ କରୁଥିବା ଗ୍ରାମବାସୀ ତାଙ୍କୁ ଉଦ୍ଧାର କରି ଚାନ୍ଦବାଲି ମେଡିକାଲରେ ଭର୍ତ୍ତି କରିଥିଲେ। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ବଜ୍ରାଘାତରେ ଘଟଣାସ୍ଥଳରେ ତାଙ୍କ ଦେହରେ ଅଧିକାଂଶ ଭାଗ ପୋଡି ଯାଇଥିଲା। ବସନ୍ତଙ୍କ ମୃତ୍ୟୁରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି। ପରିବାରର ଏକମାତ୍ର ସାହା ଥିଲେ ସେ। ତାଙ୍କ ପରିବାରକୁ ସମସ୍ତ ପ୍ରକାର ସରକାରୀ ସହାୟତା ଯୋଗାଇ ଦେବାଲାଗି ଗ୍ରାମବାସୀଙ୍କ ପକ୍ଷରୁ ଦାବି ହୋଇଛି।
