ଭଦ୍ରକ, ୧୮ା୧୧ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ଏକ ସଡକ ଦୁର୍ଘଟଣାରେ ମହିଳାଙ୍କର ମୃତ୍ୟୁ ହୋଇଥିବାର ଜଣାପଡିଛି । ପ୍ରାପ୍ତ ସୂଚନା ଅନୁସାରେ ଏକ ସ୍କୁଟି ଯୋଗେ ମହିଳା ଜଣକ ଯାଉଥିବା ସମୟରେ ବିପରୀତ ଦିଗରୁ ଦ୍ରୁତ ଗତିରେ ଓଭରଟେକ୍ କରି ଆସୁଥିବା ଓଆର-୦୯ଜି-୫୯୦୩ ଟ୍ରକ୍ ଚଢିଯାଇଥିଲା । ଘଟଣାସ୍ଥଳରେ ମହିଳାଙ୍କର ମୃତ୍ୟୁ ହୋଇଥିବାବେଳେ ଦୁର୍ଘଟଣାର ଦୃଶ୍ୟ ସିସିଟିଭି ଫୁଟେଜ୍ରୁ ଜଣାପଡିଛି । ଘଟଣାସ୍ଥଳରେ ଚାପା ଉତ୍ତେଜନା ପ୍ରକାଶ ପାଇବାରୁ ଗ୍ରାମାଞ୍ଚଳ ଥାନା ପୁଲିସ୍ ପହଞ୍ôଚ ଟ୍ରକ୍କୁ ଜବତ କରିବା ସହ ଲୋକଙ୍କୁ ବୁଝାସୁଝା ପରେ ଶବକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ଜିଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି । ମୃତ ମହିଳାଙ୍କ ଘର ଚରମ୍ପା ବରାଳପୋଖରୀ ଅଂଚଳ ୧ ନଂ ୱାର୍ଡର ଶମ୍ଭୁନାଥ ଦଳେଇଙ୍କ ୩୭ ବର୍ଷର୍ିୟା କନ୍ୟା ଉର୍ବଶୀ ବୋଲି ଜଣାପଡିଛି । ଅପରାହ୍ନ ସମୟରେ ଉର୍ବଶୀ ସ୍କୁଟି ଯୋଗେ ଚରମ୍ପାସ୍ଥିତ ନିଜ ଟେଲର ଦୋକାନକୁ ଯାଉଥିବାବେଳେ ଦୁର୍ଘଟଣା ଘଟିଥିବା ସିସିଟିଭି ଫୁଟେଜ୍ରୁ ଜଣାପଡିଛି । ଉର୍ବଶୀ ଦଳେଇ ତାଙ୍କ ପରିବାରର ଏକମାତ୍ର ରୋଜଗାରକ୍ଷମ ଝିଅ ଥିଲେ । ଏବଂ ସେ ଅବିବାହିତ ଥିଲେ । ତାଙ୍କ ମୃତ୍ୟୁରେ ସ୍ଥାନୀୟ ଅଂଚଳରେ ଶୋକର ଛାୟା ଖେଳିଯାଇଛି ।
