ଭଦ୍ରକ, ୨୮ା୯ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଆଜି ପ୍ରଫେଟ ମହମ୍ମଦଙ୍କ ଜୟନ୍ତୀ ସବୁଆଡେ ପାଳିତ ହେଉଥିବାବେଳେ ଭଦ୍ରକ ଜିଲା ଭଣ୍ଡାରିପୋଖରୀ ନିର୍ବାଚନ ମଣ୍ଡଳୀ ବନ୍ତ ବ୍ଲକ୍ରେ ମଧ୍ୟ ଧୁମ୍ଧାମରେ ପାଳିତ ହୋଇଯାଇଛି । ଏହି ମହମ୍ମଦଙ୍କ ଜୟନ୍ତୀରେ ଭଣ୍ଡାରିପୋଖରୀ ବିଧାୟକ ପ୍ରଫୁଲ୍ଲ ସାମଲ, ବିଧାୟକଙ୍କ ପ୍ରତିନିଧି ଇଂ ପ୍ରୟାସକାନ୍ତି ସାମଲ ଉପସ୍ଥିତ ରହି ସମସ୍ତ ମୁସଲମାନ ଭାଇଭଉଣୀ ଓ ଗୁରୁଜନମାନଙ୍କ ଦ୍ୱାରା ଶୋଭାଯାତ୍ରାକୁ ସ୍ୱାଗତ କରିବା ସହ ଶୁଭେଚ୍ଛା ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ଡିଆରଡିଏ ସଭାପତି ପ୍ରଫୁଲ୍ଲ ଜେନା, ବ୍ଳକ୍ ଚେୟାରମେନ୍ ମନୋରଂଜନ ଘଡେଇ, ସେକ୍ ଜଲାଲଉଦ୍ଦିନ୍, ନିର୍ବାଚନ ମଣ୍ଡଳୀ ଯୁବ ସଭାପତି ବିପିନ ନାୟକ, ସ୍ଥାନୀୟ ନେତୃତ୍ୱ ପରମେଶ୍ୱର ବାରିକ, ସମାଜସେବୀ ଲାଲା ସ୍ୱାଇଁ, ସମବାୟ ସଭାପତି ସେକ୍ କଦମ, ସେକ୍ ବଣ୍ଟି, ଛାତ୍ର ସଭାପତି ପ୍ରଣବ କିଶୋର ଲେଙ୍କାଙ୍କ ସମେତ ବ୍ଲକ୍ସ୍ତରୀୟ ନେତୃତ୍ୱ ଉପସ୍ଥିତ ଥିଲେ ।
