ଭଦ୍ରକ, ୪ା୧୦ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଭଣ୍ଡାରିପୋଖରୀ ତହସିଲଦାରଙ୍କ ଅଭିଯୋଗ କ୍ରମେ ସ୍ଥାନୀୟ ପୁଲିସ ୧୬ ନଂ ଜାତୀୟ ରାଜପଥର କହରାପୋଖରୀ ଛକ ନିକଟରୁ ଓଡି ୦୪ ଏଲ ୦୪୮୪ନଂ ବେଆଇନ ବାଲି ବୋଝେଇ ହାଇୱାକୁ ଆଜି ଜବତ କରିବା ସହ ଚାଳକକୁ ଗିରଫ କରିଥିବା ଜଣାଯାଇଛି । ଏଥିସହ ବେଆଇନ ବାଲିକୁ ମଧ୍ୟ ପୁଲିସ ଜବତ କରିଥିବା ଜଣାଯାଇଛି । ହାଇୱା ଚାଳକ ବାଲେଶ୍ୱର ଜିଲ୍ଲା ଗୋପାଳପୁର ଅଞ୍ଚଳର ରୋହିତ ଦଳାଇକୁ ପୁଲିସ ଗିରଫ କରିଛି । ଏଥିନେଇ ଥାନାରେ ୩୦୨/୨୧ନଂ ମାମଲା ଋଜୁ ହୋଇଛି ।
