ଭଦ୍ରକ, ୧ା୭ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଗୋ ସେବାର ଅପୂର୍ବ ମହାନତାର ବିଶ୍ୱାସ ରଖୁଥିବା ବିଶ୍ୱ ହିନ୍ଦୁ ପରିଷଦ, ଭଦ୍ରକ ନଗର ପକ୍ଷରୁ ସହରର ରାଜଘାଟ ଛକ ସ୍ଥିତ ଶ୍ରୀ ଗୋପାଳଜୀଉ ଗୋଶାଳା ପରିସରରେ ନଗର ସଭାପତି ପୁନିଲ କୁମାର ସାମନ୍ତଙ୍କ ନେତୃତ୍ୱରେ ୩୦ ରୁ ଉର୍ଦ୍ଧ୍ୱ କାର୍ଯ୍ୟକର୍ତ୍ତାଙ୍କୁ ସହଯୋଗରେ ସେବା ଓ ସ୍ୱଚ୍ଛତା କାର୍ଯ୍ୟ ଅନୁଷ୍ଠିତ ହୋଇଯାଇଛି । ଗୋବର ନିଷ୍କାସନ, ଜଳ ସେଚନ, ବ୍ଲିଚିଂ ପାଉଡର ଓ ଫିନାଇଲ ସିଞ୍ଚନ କରାଯାଇ ସମଗ୍ର ଗୋ ଶାଳା ପରିବେଶ ଓ ପରିସରକୁ ପରିଷ୍କାର କରାଯାଇଥିଲା । ସଂଗଠନ ପକ୍ଷରୁ ପ୍ରତି ମାସରେ ଥରେ ଏ ପ୍ରକାର ସ୍ୱଚ୍ଛତା କାର୍ଯ୍ୟକ୍ରମ କରାଯିବ ବୋଲି ଜିଲ୍ଲା ଉପ ସଭାପତି ନିରଞ୍ଜନ ସାହୁ ପ୍ରକାଶ କରିଥିଲେ । ଏହି ଅବସରରେ ଗୋ ସେବା ସମ୍ବନ୍ଧରେ ପ୍ରାନ୍ତ ସତସଙ୍ଗ ସହ ପ୍ରମୁଖ ତଥା ବିଭାଗ ସମ୍ପାଦକ ଗୋବିନ୍ଦ ରାଉତ କାର୍ଯ୍ୟକର୍ତ୍ତାଙ୍କୁ ୁ ମାର୍ଗଦର୍ଶନ କରିଥିଲେ । ଗୋ ଶାଳାର ସମ୍ପାଦକ ପଣ୍ଡିତ ସଂଗ୍ରାମ ଆଚାର୍ଯ୍ୟ ମହୋଦୟଙ୍କ ପରାମର୍ଶରେ ଗୋ ଶାଳା କର୍ମଚାରୀମାନେ ସହଯୋଗ କରିଥିଲେ । ଗୋଟିଏ ଗୋଟିଏ ଗୋ ମାତାଙ୍କୁ ପୋଷ୍ୟ ଭାବେ ଗ୍ରହଣ କରି ସେବା କରିବା ପାଇଁ ବଜରଙ୍ଗ ଦଳର ଚନ୍ଦନ ଦାସ ଆହ୍ୱାନ କରିଥିଲେ ।ଏହି କାର୍ଯ୍ୟକ୍ରମରେ ବିଶ୍ୱ ହିନ୍ଦୁ ପରିଷଦର ଜିଲ୍ଲା ସଭାପତି ବିଜୟ ସିହ୍ନା, ବଜରଙ୍ଗ ଦଳର ପୂର୍ବ ପ୍ରାନ୍ତ ସଂଯୋଜକ ମାନସ ମହାନ୍ତି, ପୂର୍ବତନ ବାଲେଶ୍ୱର ବିଭାଗ ସଂଯୋଜକ ସ୍ୱାଧୀନ ସୁନ୍ଦର ଦାସ, କାହ୍ନା ପ୍ରସାଦ ଖୁଌକ୍ଷଗ୍ଧ;ିଆ, ଦୁର୍ଗା ଶଙ୍କର ଜେନା, ସନ୍ତୋଷ ନାୟକ, ତାପଜ ସାହୁ, ମୁକେଶ ବାରିକ, ଦେବାଶିଷ ମଲ୍ଲିକ, ଦୀପକ ବେହେରା, ହେମନ୍ତ ବୈଶାଖ, ବିକ୍ରମ ମହାପାତ୍ର, ମଦନ ବାରିକ, ପ୍ରଶାନ୍ତ ମଲ୍ଲିକ, ପ୍ରଶାନ୍ତ ସିଂହ ପ୍ରମୁଖ ସହଯୋଗ କରିଥିଲେ । ଶେଷରେ ନଗର ସମ୍ପାଦକ ମହେଶ୍ୱର ବେହେରା ସମସ୍ତ କାର୍ଯ୍ୟକର୍ତ୍ତାଙ୍କୁ ଧନ୍ୟବାଦ ଜଣାଇଥିଲେ
